Lida blong opposition mo memba blong palaman blong Port Vila, Ishmael Kalsakau hemi widroem tede morning motion blong no gat trust agensem Prime Minister, Charlot Salwai. Risen blong widro ia hemi from we opposition Ino gat sapot blong simple majority blong 26 MP blong hemi save autem Mr Salwai long position blong hem olsem Prime Minister.
Tede morning, igat 7 MP nomo oli stap long opposition side. Aut long 9 MP we oli saenem motion ia, Member blong palaman blong Pentecost, Blaise Sumptoh i bin absent mo MP blong Port Vila, Ulrich Sumptoh we hem tu hemi saenem motion, hemi ronway bagegen long opposition mo go back stap long gavman side.
Absolute majority naoia blong ol memba blong palaman naoia hemi 26 after we igat wan seat hemi vacant long Ambrym.
By Hilaire Bule