Bamboo band i pulum ae blong PM delegesen

Bamboo band blong aelan blong Motalava long Torba provins, hemi popula tru from we oli mas krosem solwota blong kam intatenem Prime Minista Charlot Salwai, Minista blong Climate Change, Ham Lini mo delegesen blong tufala taem we tufala igo blong openem cocofuel elektrisiti projek long Sola long aelan blong Vanualava long manis februari 2017. Bamboo band ia, hemi bin kasem Port Vila tu. Long Torba, oli talem se long taon olsem Port Vila mo Luganville, pipol istap kat ol popula grup be long wan ples olsem Torba, Bamboo band blong Motalava nao, hemi popula long olgeta. Klosap, hemi ple flatem ol aelan blong Banks long taem blong ol lafet.