Ol recent developmen blong Nasenel Sastenebol Developmen Plan blong 2016 kasem 2030 (NSDP), mo tu ol nara dokuman olsem Nasenel Planing Fremwok mo NSDP monitoring mo evaluesen fremwork oli provaedem wan gudfala opotuniti blong Ministri blong Praem Minista hemi alaenem niufala korperet plan blong 2020 kasem 2022 wetem ol developmen gol mo polisi blong “Vanuatu 2030: The People’s Plan”.

Korperet Plan 2020-2022 hemi reflektem NSDP 2016-2030 we foma Praem Minista Charlot Salwai Tabimasmas I bin launjem lo Janueri 2017. NSDP hemi soem comitmen blong nesen blong ajivim ol Sustenebol Developmen Gol (SDG) we Vanuatu hemi wan signatori lo hem. Ministri blong Praem Minista hemi playem wan bigfala role blong kordinetem ol implementesen blong Nasenel Sastenebol Developmen Plan mo tu blong lukluk lo evaluesen mo monitoring blong ol aotkam blong hem. Hemi impoten tumas se wanwan gavman agensi, dipatmen mo ministri oli alaenem olgeta wetem ol NSDP gol.