Wan olgeta faonda blong MANH Parti, olfala Raymond Buletare i talem se bifo, oli trae hat blong titsim ol pipol blong Vanuatu about politik. Oli no bin nidim mani be oli mekem bigfala wok blong tokbaut politik long ol pipol long evri kona mo bush blong Vanuatu. Hemi talem se tede, hemi stap lukim se mani, hemi mekem politik be inomo pipol.
Tede ikat moa developmen blong komunikesen long graon mo ea bitim blong bifo. Ol pipol blong we oli liv long end blong yia 70 mo stat blong 80, oli bin lukim ol man olsem olfala Buletare mo ol man blong politik, oli bin flatem ol aelan blong Vanuatu, blong tokbaut wanem ia, hemi politik long ol pipol blong Vanuatu.
Olfala Buletare we hemi stap enjoem ova long 80 yia blong hem long tede i talem se hemi luk olsem se pipol i mekem moa politik blong bel bitim intres blong wan wan famili mo kantri.