Tedei hemi makem wan nara milestone long Vanuatu mo especiali yumi ol residen blong Port Vila mo ol usa blong intanasonal mo domestik Airport ia long Bauerfield. Taem we yumi lukluk bak long history blong improvemen blong ranway blong Airport yumi save gud se laswan bigfala work hemi bin tekem ples taem we COLAS blong New Caledonia hemi bin kam mo improvum bak long late 80's we hemi mekem kolosap ova 30 yia nao i bin gat work long hem.
Tedei yumi ka blong witnesem launjink blong major work konstraksen we bambae hemi start mo bae i tekem kolosap 340 dei blong save finisim gud wantaem. Fanding blong wok i kam try lonf konseson loan we kavman i kat wetem World Bank lon tufala agrimen everiwan. Fes Loan hemi 59.5 million US $ mo grant long 0.6 million US $ mo nara Loan long World Bank IDA17 I gat $9.5 millions US $ mo 4.6 million US $ we i kivi; wan total blong 73.9 million US $ or Ekwifalen long 7.4 billion long vatu.
Hemia mi wantem talem bigfala tankio blong ol pipol blong vanuatu i ko long World Bank blong Luk save Priority infrastrakja developmen olsem. mo development assistens olsem hemi kontributs bigwan ikam bak long development blong ekonomik mo sosio -Kaltural benefit blong yumi everiwan.
Mi wantem talem bigfala thankio tu i ko long CCECC long strong komitmen we hemi gat blong kam helpem Vanuatu i gru i ko antap wetem konstraksen blong major infrastakja olsem Ranway blong Airport.
Yu save se hemi ni bin isi tumas blong save startem ol work kwik taem olsem we yumi everiwan i wantem. Espesiali long Kavman mo yumi ol pipol blong Vanuatu we bambae yumi benefit long hem but from we i kat tu ol prosija blong yumi work folowem blong mitim ol rikwaenem mo krateria lonf saed blong fanding, long kontrak Enjinia mo supavison mo kontrak manejmen, long Kavman rikwaenem ( LAW) mo tu long kontrakta mobilaesesen.
Mi belief plante se kontrakta ia CCECC bae hemi save mekem gudfala ork within long taem frem we i stap klos Enjinia supafisa blong GHD, office blong MIPU, AVL mo VPMU we hemi stap provaedem oversight long ol infrastrakja we i stap tekem ples. Kavman i stap askem tu koperasen mo klos working relesonship ia mo mi stap askem tu korepeson mo klos working relesonship ia mo i stap askem tu koperesen mo assisten blong yumi everiwan, Kavman, kontrakta, pravet sekta, land owner, ol Airline Operators mo everi sitwen mo resident blong Vanuatu blong yumi work tugeta mo yumi pul tugeta blong yumi save mitim objektif blong project ia.
Mi stap toktok me mekem apil ia from we yumi bin bin fesem wan experience finis lonf yia 2015 taem tudei samfala airline aperasen i stap supend yet kasem tedei. So i gud yumi protektem blong situasen ia hemi no ripitim bakeken. Mo blong mekem sua i no happen bakeken, i kat arrenjmen i stap long taem we everi tul blong CCECC ino kam yet, bambae ol menteinens arenjmen blong AVL mo Fulton Hogan hemi kontinu mo projek bambae hemi mitim kost ia kasem taem we ol equipmen blong CCECC i stap everiwan long kaontri mo long project site ia.
Mi assurum yufala everiwan, espesali offisols blong kavman mo korporet kapani blong Kavman, Enjinia blong projek GHD mo kontrakta we bae oli work, se bae yumi kam bakeken mo witnesem offisol Handing-Ova mo opening blong projek ia long semtaem mo manis olsem long nekis yia 2018.
Blong endem toktotk blong mi, Kavman we mi lidim i nomo wandem se bae i kat further delay long projek ia from we, projek blong upgredem Bauerfield Ranway, hemi fes projek we kaonsel blong ol miista, long fes meeting blong hem afta long formesen blong niu Kavman long early 2016, hemi bin disaed long hem mi i stap long top praority list blong hem? Hemi tekem yumi 1 yia 8 manis blong mekem graon breaking. Long view blong kavman we mi lidim, period ia hemi already too long, taem we yumi save importance blong projek ia long ekonomik develomen blong kaontri blong yumi, tastawe, i no mas kat eni more further delay
Mi stap askem prayers blong everiwan se Papa Hae God bambae hemi harem ol toktok blong yumi mo bae hemi blesem yumi everiwan mo kaontri blong yumi Vanuatu blong yumi prokress i ko long fored.
Olgeta Distinguised GUESTS
Tankio tumas blong save kivim taem blong listen long ol toktok blong mi. Mo tu wan taem bakeken;
thank you very Much
Tankio tumas; mo
Merci Beaucoup de votre attention