Wan smol aelan blong Not blong Vanuatu we pipol ino tokbaut tumas, Merelava be hemi mekem nem blong Vanuatu, hemi raonem wol long saed blong beach voley mo teibol tenis. Nara aelan blong Torba provins we hemi mekem nem blong Vanuatu i raonem wol long saed blong sport, hemi Motalava long saed blong beach voley wetem Linlin. Linlin hemi bringim Vanuatu long wol level we i mekem se tede ful wol i save Vanuatu taem we hemi winim wol champion, Brazil mo karem gold medal. Long Mini gem blong nekis manis, hae hop istap wetem Linlin mo tim blong hem blong difendem kala blong Vanuatu mo winim gold medal. Merelava hemi leftemap nem blong Vanuatu tu taem Anolyn Lulu wetem tim blong hem, oli winim gold meda long saed blong teibol tenis. Anolyn Lulu wetem Priscila Tommy we tufala tugeta i kamaut long smol aelan blong Merelava tufala i talemaut long Gavman Website se tim blong teibol tenis, hemi redi fulwan blong winim gold medal long mini gem long nekis manis long Port Vila.
Select your language
Torba i putum Vanuatu long wol map long sport
- Details
-
Also available:
Praem minista Charlot Salwai nao, hemi kam patron blong beach voley stat long yestede. Mr Salwai i askem pipol mo ol minista blong stap bihaenem ol atlet blong Vanuatu long taem blong mini gem. Hemi talem se sapos, hemi kat taem naoia kasem taem Vanuatu, hemi go long kompetisen long taem blong mini gem, bae hemi go watchem tim blong beach voley blong man mo woman long taem blong trening.