Pm salwai i visitim militari training

Praem minista Charlot Salwai mo minista blong internal afea, Andrew Napuat i visitim militri training long Not Efate long yestede 13/07/2018. Training ia, hemi blong olsem wanem oli save save dill wetem wan natural disasta. Natural disasta, hemi wan komplex isiu from we i save kamap tu wetem ol kriminol isiu mo hemia naoa, ol memba blong Vanuatu polis fos, oli go tru long hem long wik ia wetem ol ami blong Australia. Mr Salwai i talem se training ia, hemi impotant long ol memba blontg fos fromm we Vanuatu, hemi kam top long saed blong natural disasta. Hemi talem tankiu long ol memba blong fos from asistens we oli stap provaidem long ol pipol blong Vanuatu long taem blong disasta olsem keis blong volkeno long aelan blong Ambae.