Praem Minista, Charlot Salwai, hemi mitim long tede Chief Negotiator blong maritime baondri blong Timor Leste, Kay Xanana Gusmao.
Timor Leste, yumi bin save long hem bifo olsem Ist Timor.
Mr Salwai i welkamem Mr Gusmao long ofis blong hem long tede mo talem se Vanuatu i wandem lanem from Timor Leste hao nao hemi takelem isiu blong maritime baondri blong hem.
Mr Gusmao i talem se Timor Leste, hemi rimemba ol sapot we Vanuatu hemi givim long hem long stragol blong hem blong kasem indipendens.
Hemi talem se pipol blong Timor Leste mo Vanuatu, oli serem semak fasin mo hemi gud blong tufala i serem ol information long saed blong maritime baondri. Mr Gusmao i talem se evri kantri oli equal anda long law be ino evri kantri oli save access long law . Hemi askem Vanuatu blong resem isiu blong maritime baondri long nekis miting blong United Nations long nekis yia olsem wan awarness long international community. Long end blong miting blong tufala, tufala i exchangem ol gift.