Ol yut blong katolik church stat long not igo kasem saut Pentecost, oli talem tankiu long praem minista mo semtaem MP blong Pentecost blong hemi save helpem olgeta long 100 000 vatu blong oli save tekem pat long National Yut Camp blong katolik church we istap gohet naoia long aelan blong Tanna.
Praem Minista Charlot Salwai hemi handem ova 100 000 vatu igo long katolik yut blong Pentecost long Lowanatom, Tanna long sande 9 disemba long taem blong opening blong yut camp ia.
Donesen blong Mr Salwai i folem nomo request we ol yut blong Pentecost i mekem ikam long hem. \
Father Cyprien we hemi stap naoia wetem ol katolik yut ia blong Pentecost, hemi talem tankiu long praem minista blong hemi save ansarem request blong olgeta. Hemi talem se mani ia bae hemi helpem bigwan ol yut blong Pentecost long wan wik we bae oli spendem long Tanna. Oli wishim PM mo family blong hem Merry Christmas mo Happy New Year 2019.