PM Salwai i mekem Risafol long Saturday

Afta moa long 12h00 we PM Charlot Salwai i difitim namba 6 motion of no confidence, hemi mekem wan risafol tede mo hemi lukim full VP i aut mo full Lidas party ikam insaed. Afta opposition, hemi dipositim motion long las wik, VP hemi kapitalaes long motion mo givim presa long praem minista blong givim sam moa ministry long hem. Dimand blong olgeta hemi folem last national Congress we hemi lukim sam MP we oli kontestem las general long difren political party oli go joenem VP. Afta VP i fatfat long last Congress blong hem mo opposition i putum motion long las wik, VP istat putum presa long Mr Salwai blong sam moa ministry long hem. Presa blong VP, hemi dimandem moa ministri, hemi gohet kasem palaman i sidaon blong dibetem motion long yesterday. Even afta lida blong opposition, Ishmael Kalsakau hemi widroem motion blong hem be still VP i dimandem moa ministry. Presa i lid igo blong risafolem VP tede.