Pm Salwai i mit wetem tufala representative blong Facebook

PM Charlot Salwai i mitim tede evening tufala representative blong Facebook long taem blong miting long world regulator we istap gohet naoia long Port Vila. Mr Salwai i talem long tufala se hemi sapotem strong fridom blong information mo ICT be hemi no stret blong sam pipol istap rabisim ol nara pipol bihaen long kiaman nem o fake account. Mr Salwai i talem se Vanuatu ikat kastom blong hrm mo hemi wan Christian kantri. Hemi talem se sam ol man ikat ol toktok blong talem long ol nara man long FB oli mas kam real o tru man o oli kam long nakamal o nasara blong toktok be oli no hait bihaen long fake account. Mr Salwai i askem FB blong wok tugeta wetem gavman blong Vanuatu blong daonem isiu blong ol kiaman nem o fake account we oli stap spolem ol nara pipol. Mr Salwai i talem se FB i wan gud tul blong pasem infomesen bitwin ol family be ikat smol grup blong pipol nomo we oli abiusim. Tufala representative blong FB i talem se tufala i sorry blong harem about isiu blong fake account long Vanuatu. Tufala i talem se hemi no should hapen olsem. Tufala i talem long PM se bae tufala i helpem Vanuatu blong adresem isiu blong fake account.