PM Salwai hemi officialy openem Penama mo Sanma day long Santo

PM Charlot Salwai i officially openem Penama Day mo Sanma Day long Show Ground long las sarere. Hemi talem tankiu long Sanma province blong  hausem ol pipol blong Penama long graon blong hem. Hemi talem tankiu bagegen from oli save acceptem ol pipol blong Ambae long taem blong volkeno i bosta. Hemi askem ol pipol blong Penama we oli stap long Sanma blong oli respektem ol otoriti . Hemi talem long olgeta blong oli mas holen taet respect mo gudfala fasin we istap long Penama province. Mr Salwai i talem long ol pipol blong Penama we oli stap long Sanma se i gud blong oli save wea ples oli kam long hem, wea ples oli stap long hem mo wea ples bae oli go long hem. Blong honarem Mr Salwai ol chief blong Penama we oli stap long Show Ground oli givim wan red mat mo wan laplap stael blong Ambae long praem minista.