PM Salwai i mitim Gusmao

Mr Xanana Gusmao we hemi chief negotiator Maritime Border delimitation blong Timor Leste hemi presem contribution blong Vanuatu blong kantri blong hem i save referendum o POPULAR CONSULTATION long 30 August 1999. Mr Gusmao i talem se Vanuatu i wan smol kantri long NO WHERE be vois blong hem hem long international level i mekem se i save kat wan kantri we oli kolem tede Timor Leste. Hemi talem se 20 yia anniversary selebresen we bae hemi tekem ples long tumoro, hemi selebresen blong victory blong Vanuatu mo Timor Leste. Mr Gusmao i kolem Vanuatu se hemi home blong hem. Mr Gusmao hemi we hemi gat 73 yia blong hem long tede hemi i bin former president blong Timor Leste, Former prime minister mo former defence minister. Mr Salwai i talem tankiu long Mr Gusmao blong Timor Leste i save invaetem hem blong kam long selebresen long tumoro. Hemi kongratulem hem long hevi wok we hemi mekem blong negosietem maritime border blong Timor Leste wetem Australia mo Indonesia.