Vanuatu bae i helpem Timor Leste long tourism

PM Charlot Salwai i talem se Vanuatu i helpem ol nara kantri olsem New caledonia mo bae hemi helpem brata kantri Timor Leste blong karem ol student blong hem blong kam stadi tourism long unversity blong tourism we istap long AUF long Port Vila. Mr Salwai i mekem toktok ia tede morning folem request blong counterpart blong hem blong Timor Leste, Taur Mafam Ruak. blong sapos Vanuatu i save helpem Timor Leste blong development blong tourism blong hem. PM blong Timor Leste i talem se sapos Vanuatu i agri hemi saenem wan MOU next year wetem Vanuatu. Hemi talem se sapos Timor Leste ikam kasem level we hemi stap long hem tede hemi from help blong Vanuatu blong oli save fri Indonesia. Mr Salwai i talem se Vanuatu i redi blong saenem MOU ia blong ol student blong Timor Leste i save kam study tourism long unversity blong tourism long Port Vila . Mr Salwai i talem se tede Vanuatu ino ofarem inomo ofarem certificate be hemi diploma long saed blong tourism long AUF