Seule i niu spika blong national palaman

Niu spika blong national palaman blong Vanuatu hemi memba blong palaman blong Epi konstituensi, Simeon Seule. Hemi tekem ples blog Esmon Sae we hemi risaen tede moning afra folem mosen blong autem hem long tsea blong hem. Gavman i nominetem Mr Seule tede afternoon mo opposition i nominetem Mr Sae. Long taem blong vot tede afternoon Mr Seule i bin karem 29 vot mo Mr Sae i karem 22 vot. Mr Seule i bin minista blong Yut mo Sport kasem kasem yesterday taem hemi risaen mo lego MP blong Pentecost Francois Chani Tabisal i tekem ples blong hem.