PM Charlot Salwai i donetem tede morning 10 milien vatu igo long National Council of Churches blong Vanuatu. Mr Salwai i talem tankiu long VCC from contribution blong development blong kantri long saed blong education, health mo ol nara sekta blong Vanuatu. Hemi talem se ol church oli help bigwan blong shepem ol gud citizen blong Vanuatu. Mr Salwai i talem tankiu long VCC from prea blong olgeta blong maimtenem stability blong gavman. Hemi askem olgeta blong yusum smol vatu ia blong strongem uniti bitwin ol church mo uniti blong ol memba blong church.
Secretary general blong VCC Pastor Shem Temar i talem se donation hemi wan nara maelston long long relation bitwin gavman mo VCC.
Pastor Temar i talem se mani ia hemi helpem bigwan VCC blong karemaut ol development activity blong hem.
VCC semak olsem Malvatumauri National Council blong ol chief oli neva kasem anual grant be coalition gavman we Mr Salwai i lidim tede nao hemi disaed blong givim anual grant long tufala bodi ia.