PM Charlot Salwai mo minista blong MIPU, Christhophe Emelee wetem delegation blong tufala i jump so long aelan Aneitym tede morning blong lauchem niu site blong Teruja secondary, niu rod project from Anelcauhat to Port Patrick mo launching blong TVL tower.
PM Charlot Salwai i talem tankiu long chief mo pipol blong Aneitym from contribution blong olgeta long economic development blong Vanuatu. Mistry Island narasaed long main land hemi wan aelan we hemi pulum plande turis.
PM Charlot Salwai i talem se aelan blong Aneityum i deservem development blong telecommunication folem contribution economic development blong hem long Vanuatu mo hemi disevem 4G PLUS blong mobile phone.
PM Charlot Salwai wetem delegation blong hem i visitim National Bank blong Aneityum. Oli se taem we ikat turis bout pipol i laen blong putum Australia dola long Bank. Long Aneityum oli yusum After long hemi oli visitim meteo station, klinik mo skul long Aneityum tede.
PM Charlot Salwai i donetem ol computer igo long pikinini blong skul blong Aneityum tede. Hemi encouragem ol pikinini blong skul gud blong oli kam future lida blong kantri. Hemi talem se aelan blong Aneityum hemi wan long olgeta aelan we hemi prodiusim ol lida blong Vanuatu mo ol pikinini blong hem oli holem sam top position long gavman mo private tede.
Pipol blong Aneityum istap farewellem delegation blong PM Charlot Salwai tede afternoon befo oli out.