1.     Legislation blong ol political parties

2.     Tighter control long ol motion of no confidence

3.     Independent Speaker

4.     More independent Auditor General

5.     Non-stability related amendments

Eventhough CRC i bin mekem work mo i produsim wan report long 31st August 2016.Unfortunately, objective i no bin achieve from we ol Members blong Honorobol House ia wetem ol political parties i no save reachem consensus long ol recommendations blong CRC mekem se Kavmani mas withdrawem Bill for the Constitution (Seventh) (Amendment) Act No. of 2016 long Parliament. 

Hon. Speaker,

Afta long withdrawal, Kavman hemi reconsiderem issue blong political stability mo hemi decide blong focus long wan eria blong political governance nomo we hemi Legislation blong ol Political Parties. 

Committee we i bin wok long draft blong Bill for the Political Parties (Regulation) Act No. of 2018 hemi consist long ol representatives blong ol political parties we oli stap long Kavman mo Hon. Minister blong Foreign Affairs naoi Chairperson blong Committee mo State Law i assumem role blong secretariat. 

During taem we Committee i bin stap wok long Bill blong ol Political Parties, UNDP i bin organaesem long Warwick le Lagon long 19 mo 20 September 2018 wan Regional Conference long Legal mo Regulatory Frameworks blong ol Political Parties.

 Plande long ol tingting we oli stap long draft Bill ia oli reflectem wanem we Regional Conference ia i bin tokbaot 

Mo afta we Committee I fanalaesem wok blong hem mo afta we COM i agree long draft Bill, mi gat honoria blong tokbaot tingting behind long draft Bill ia long Parliament tede olsem wan information paper nomo blong i gat futher consultation long hem wetem kevri Members blong Parliament we oli must consult too wetem ol respective political parties mo pipol blong olgeta long ol respective constituencies blong olgeta.

Tingting blong Kavman i blong introdiusum Bill ia long nekis yia 2019 mo long event we Parliament I passem Bill blong ol Political Parties, before hemi come into force, country I mas go through long wan referendum from we i gat ol consequential amendements too we bae oli kam wetem Bill ia.

Mo Bill we bae I nid blong i go long referendum hemi Bill for the Constitution (Seventh) (Amendment) Act No. of 2018.

But bifo Kavman i kam wetem Bill ia long Parliament long nekis yia mo decidem wan referendum, bae hemi mekem wan overall national consultation long hem bakeken.

I kat 5 parts evriwan long draft Bill blong ol Political Parties:

·        Part 1 hemi Preliminary we hemi ol definitions

·        Part 2 i stap establishim Office blong Registrar blong ol Political Parties wetem ol staff blong hem, wetem ol functions mo powers blong hem.

Long ples ia, Registrar bae hemi appointed by Judicial Service Commission. But ol staff blong hem bae oli employed by Public Service Commission.

·        Part 3 i containem ol provisions wetem ol criteria olsem wanem nao wan group blong ol persons oli save registerem wan Political Party.

Wan long ol criteria long ples ia I blong mitim wan threshold blong ol voters we Electoral Commission bae hemi determinem before each general election.

Part 3 ia i providem too provisions blong Registrar i save de register wan Political Party sapos hemi fail blong mitim some requirements.

·        Part 4 i stap reguletem ol independent candidates mo ol provisions blong Part 4 ia i applae long wan person we hemi wandem contestem wan election olsem wan independent candidate. Ol provisions ia oli applae too long wan person we hemi winim seat blong hem finis long Parliament olsem wan independent candidate.

Long ples ia too, Electoral Commission hemi setemap wan minimum threshold blong ol voters blong sapotem wan independent candidate.

·        Part 5 i stap mekem provision long ol miscellaneous matters olsem ol Regulations we Electoral Commission isave mekem from time to time wetem wan transitional provision we hemi related long 2020 general elections.

Hon. Speaker,

Olsem we mi briefly mentionem andap, taem Parliament I pasem Bill blong ol Political Parties long nekis yia, Parliament i mas passem too 3 nara consequential Bills. Ikat:

·        Bill for the Constitution (Seventh) (Amendment) Act No. of 2018,

·        Bill for the Representation of the People (Amendment) Act No. of 2018 mo

·        Bill for the Charitable Association (Incorporation)(Amendment) Act No. of 2018.

Hon. Speaker,

Mi wandem talk moa long Bill blong amendem Constitution.

I kat 2 article nomo long proposed amendment ia:

·        One I blong amendem Subarticle 4(3) blong Constitution blong rewardem olsem se Subject long  any restrictions we Law i putum, ol political parties oli save formed freely mo oli save contestem ol elections. Oli must resptectem Constitution mo ol prinsipol blong democracy.

·        Narawan I blong addem afta long Article 17 blong Constitution 2 Subarticle:

Ø Subarticle 17A we hemi relate long Vacation blong seat taem wan Member I resign or I terminated taem hemi nomo sapotem political party blong hem; mo

Ø Subarticle 17B we hemi tokbaot Vacation blong seat blong wan Member we I winim seat blong hem olsem wan independent candidate. 

Hon. Speaker,

Purpose blong statement blong mi long this afternoon I blong introdusim nomo wanem we Kavman i bin work long hem long saed blong Bill blong ol Political Parties.

Kavman I decide blong informem ol Members blong Honorobol House long way we Standing Orders blong Parliament hemi allowem hem blong mekem. Ol draft Bills we mi introdusum hemi no blong Kavman hem wan but hemi blong Nation. So evriwan i mas kivim tingting blong hem.

Olgeta Members oli should gat copies blong ol draft Bills ia long ol respective desks blong olgeta. 

Mo mi stap invitem evri Members blong Parliament blong tekem seriously wok blong consultation blong olgeta, from we taem Kavman bae hemi launchem consultation process blong hem, olgeta fesfala persons we bae hemi discuss wetem olgeta, hemi ol Members blong Parliament wetem ol Political Parties we oli represented insaed long Honorobol House ia.

Hon. Speaker,

Hemia nao statement blong mi long this afternoon.

Thank yu blong listen long hem.

Hon. Spika good morning long you mo members blong Parliament

Mi wandem tekem opportunity ia blong talem tank you long Excellency, Head of State, Pastor Obed Moses TALLISTEMAR NE WERE long opening remarks blong hem.

Olsem wan kavman, Nesen, I kat ol challenges blong hem. Olketa challenges we yumi ko through long hem long year ia I affektem ol levels blong society we yumi live long hem.

 Experiences blong ol family blong yumi long Ambae- hemi no wan easy experience blong yumi long kavman, komunity, church, mo yumi everyone.

 State of emergency I stop long 26 Novemba mo I no minim se I safe blong ol family bae oli ko back long Ambae. Kavman I wait long full assessment report blong Ambae blong talem se I safe blong ol family oli save go back.

 Semtaem too kavman I continue blong work long sekon home blong ol family ia long Maevo mo santo.

 Yumi luk long year ia nomo yumi kat TC hola we I affektem most islands blong yumi long north

 Experiences blong ol family we oli lusum laef blong olketa long solwota

 Experiences blong olketa family we oli lusum property blong olketa long eviction order,

 Experiences blong olketa family we oli lusum laef blong olketa long accident olsem case blong tufala students we I dead I no longtaem

 Recent Tsunami we I effektem family long Aneytum long last week

 Hon. Spika fulap long olketa challenges ia oli man made mo natural disaster we I min se sam long olketa yumi save managem mo same hemi beyond capacity blong yumi.

 UN University I rankem Vanuatu long last five years olsem “world’s most disasterprone country mo wan vulnerable kauntri.

 Climate change hemi wan existential threat long Vanuatu we I minim se kavman mo wan wan family I mast tekem into konsideresen mo reflektem long daily planning blong hem.

 Mi wandem joinem President blong presem God mo talem thank you long hem blong tekem yumi through long olketa difficult time ia.

Theme we President hemi toktok long hem long morning ia hemi relevant mo fitim taem we yumi live long hem today-“Reconciliation hemi key blong Unity, Peace, Stability, mo Progress”

Olsem wan Christian kauntri yumi no should playem politik we I dividem pipol long basis blong islands, province, language, race, mo party affiliation.

God hemi tekem first step blong unaetem mo mekem reconciliation wetem yumi through long death blong son blong hem.

Mi wandem joinem President blong mekem kol ia I ko long yumi olketa lidas mo pipol blong Vanuatu blong examinem laef blong yumi wanwan mo stretem ol rubbish fasin we I dividem yumi.

Yumi stap approachem too wan special event ahead long yumi-Christmas selebresent mo hemi gud yumi selebretem wetem wan klin mind mo klin heart

Hon.spika, Christmas hemi wan taem too yumi unaet tuketa olsem wan family blong selebretem birth blong son blong God mo hemi good yumi selebretem wetem wan glad heart, peace, mo joy.

ACKNOWLEDGEMENT

 Hon. Spika mi wandem joinem President too blong congratulatem Niufala president blong Malvatumauri national Council blong ol Chief, Chief Willy Grey PLASUA.

 Role blong ol chief long kauntri hemi very important mo kavman hemi luk forward blong work tuketa wetem niufala President mo council blong hem blong buildim wan peaceful society, kommuniti mo nesen blong yumi.

 Hemi important too blong ol chiefs oli resolvem differences between olketa mo unaet tuketa blong work weten kavman

 Mi wandem tekem opportunity ia too blong talem thank you long pipol blong Vanuatu mo church komuniti long pray blong olketa long nesen ia Vanuatu mo kavman blong tudei,

 Kavman ia I defitim numba 4 motion we opposisen I putum akensem hem mo yumi bilief se hemi happen follem direksen blong Papa God.

 Thank you too long opposisen Lida mo members blong exercisaesem democratic right ia blong challengem kavman blong oli folem rule of law everytaem blong administretem affairs blong nesen ia.

 Hon. Spika, mi bilief olsem se God hemi putum wan lida mo God nomo I save rimuvum wan lida.

 Timing I stap long hand blong God mo taem hemi raet bae I putum Lida blong opposisen wetem membas blong hem long kavman.

 Thank you long ol honourable membas blong parliament ia blong sappotem kavman mo mentenem politikol stability oltaem.

 Semtaem too Kavman I recognaesem support blong olketa development partners mo friend kauntri blong yumi inkuldim regional mo international organisations we oli supportem vanuau long development inspiration blong hem mo long ol diffikult taem blong disaster.  Mi wandem talem thank you too long olketa existing investors – existing businesses – existing industries we oli continiue blong biliv strong long Vanuatu, karem risk blong investem money

blong olgeta blong prodiusim ol products mo save compeat long trade mo kontribute blong divelopem kantri ia since independence kasem tede;  Thank you long olketa new investors from, despite ol chanlenjis, oli jusum Vanuatu blong investem money blong olketa long hem,  Olketa owners blong ol Infant industries mo small medium enterprises long komitment mo perseverance blong yufala blong kam wetem innovative ways blong doim business long Vanuatu;

 Hon. Spika hemia hemi olketa key players long ekonomik blong Vanuatu tudei.

ECONOMY

 Hon.Spika, President hemi touch too long ekonomik situesen blong kauntri ia

 Mi glad blong talem se Vanuatu I experiensem wan sustainable ekonomik rate after long TCPAM recovery

 Yumi ekspektem blong lukim ekonomi I grow long wan rate blong 3.2% long 2018 mo 3.5% long 2019.

 Inflation rate hemi forecasted long wan rate blong 3.0% long 2018 mo 2.5% long 2019.

 Hon. Spika, mi glad blong talem se ekonomi blong yumi I pik up very well mo wetem key infrastructure we I stap go ahead nao ia bae I helpem bikwan ekonomik growth blong next year I ko.

 Wetem strong mo stable ekonomi, ol investors oli gat moa confidence blong invest mo kantri istap long position blong atraktem moa foreign investors.

 Wetem strong mo stable ekonomi, kantri I witnissim plande development long saed blong ol tourism projects mo long saed blong infrastructure development we hemi wan lever blong job opportunity.

 Wetem strong mo stable ekonomi, Gavman I establishim wan “Development Budget” long yia ia blong addressem ol development priorities blong kantri.

 Wetem supplementary badjet we parliament I passem long June 2018, Gavman hemi aloketem VUV1Billions I ko long debt blong hem, mo VUV 3 billion blong fundem ol infrastrakja divelopmen mo espesiali blong impruvum olgeta rod mo openem moa access long saed blong ol fida roads blong mekem se olgeta fama oli ga

isi akses long ol farms blong olketa mo long transpot blong karem olgeta prodak blong olgeta i go long maket.

 Mo Gavman i wandem luk se divelopmen badjet ia I grow long next yia onwards blong fundem ol divelopmen priorities blong yumi, we hemi wan solid step blong buildim wan kantri mo no dipen tumas long foreign aid.

 Hemi also wan saen blong wan responsible Gavman, good lidaship mo stable Gavman.

 Hon. Spika olsem wan young nesen yumi no save runaway long loan mo yumi no mast fraet blong loan blong fandem ol key sector we bae ol kat bigfala ekonomik return I kam back long kauntri mo helpem yumi blong pem back loan ia.

 Yumi save se grant funding I no save fundem bigfala infrastructure projekt.

 Ol gudfala citizen blong Vanuatu, wetem wan strong mo stable ekonomi mo from we yumi acceptem se kantri blong yumi hemi vulnerable long ol natural disasters, yumi nid blong invest long ol infrastrakja we oli resiliens mo key drivers blong ekonomi.

 Long remarks blong President hemi outlaenem Key drivers blong ekonomi blong yumi tudei.

 Hon. Spika Vanuatu I kat wan national sustainable development plan 2030 we I fokas long ol key drivers blong ekonomi ia mo hemi inkludim:

Resilient Infrastructure

 Long saed blong rod, kavman I saenem long Novemba long year ia sekon phase blong rod blong Malekula mo Tanna,

 Kavman I aloketem too VUV3billion blong ko towards fida rod

 Diskasen I continue blong upgradem rod I ko long south santo

 Long saed blong wharfs mo jetties, work blong sekon phase blong inter island shipping I stap ko ahead blong improvum koneksen mo market through long shipping seves mo wharf fasilitis long ol islands blong yumi

 Long saed blong airports work long saed blong upgrading blong baoafield terminal mo runaway, whitegrass airport mo Pekoa I progress good.

 Yumi expektem se taem oli key infrastraktja ia oli finish bae oli boostem ekonomik activitis blong Kauntri, particularly tourism industry.

 Long saed blong telekomunikesen, diskasen I continue blong buildim sekon marine cable, upgradem ol tower centres mo improvum akses blong ICT services I ko long olketa schools mo sixfala provinces.

 Kavman I komitim hem too long wan budjet blong VUV 242million blong impruvum VBTC coverage through aot long Vanuatu. Money ia bae I ko blong restorem back short wave mo medium wave anthena we I damaj long TCPAM.

 Long saed blong utilitis, work long saed blong third phase blong sarakata hydropower I continue mo mi glad blong talem aot too se Brenwei Hydropower bae I start long early 2019.

 Long saed blong renewable energy mo water, fulap villages mo komunitis oli aksesem water mo solar light we hemi go in line wetem priority blong kavman blong mekem sua se long 2020 yumi konektem 90% blong Vanuatu population wetem Water mo Light.

Service sector

 Long saed blong tourism, yumi witnisim mo tourist I kam long kauntri

 Mi bilive strong se wetem complition blong Baoerfield runaway extension mo terminal bae I help bikwan long saed blong inkrisim numba blong olketa tourist we oli kam long kauntri.

Financial sector

 Long saed blong mekem financial credit mo support I available long local ni-vanuatu hemi wan ongoing efforts blong Vanuatu kavman.

 Long past years yumi krietem Ministry blong Ni-Vanuatu mo Business Development mo Agriculture Bank blong helpem yumi but today hemi sad blong luk se olketa institusen ia oli no mitim policy objective mo goal blong mekem finance I available long pipol blong Vanuatu we oli kat graon blong divelopem.

 Kavman blong tudei I wandem approachem issue ia long wan holistic approach.

 So long year ia mi launchem wanfala strategy we oli kolem “Financial Inclusion Strategy” we I base long wan comprehensive study mo analysis long how now yumi save impruvum accessibility mo affordability blong financial credit I ko long every ni-Vanuatu.

 Hon. Spika wan long stampa thinkthink blong strategy ia I blong supportem Small Medium Enterpreses mo increasim participation blong ni-Vanuatu long ekonomik aktivitis.

 Study ia I rivilim se 81% blong pupulation long rural erias oli aksesem informal sos blong finance mo 7% nomo oli usum commercial bank loan.

 Fulap long work ia National Bank blong Vanuatu nao hemi mekem through long wan program oli kolem microfinance facilities I ko long small business long rural areas.

 Hemi wan long olketa window we ni-vanuatu I save accessem tudei blong supportem smol business blong olketa long rural areas.

 Blong helpem work blong NBV kavman I mekem decision finish blong salem sam shares blong Bank blong attraktem mo partners I kam insaed blong mekem se Bank hemi operate long level we hemi viable mo supportem development needs blong pipol blong Vanuatu.

 Hon. Spika commercial bank tudei hemi sevem nomo need blong white kola mo rich people we oli kat money. Fulap long 80% blong population blong yumi oli faenem I hard blong karem money long commercial bank from se kondisen blong olketa I high tumas.

 Olsem wan nesen, kavman I kat duti blong krietem wan kondusive environment blong encouragem private sekta blong invest mo inkrisim participation blong ni-vanuatu long ekonomik aktivitis,

 Kavman I kamap wetem polisi thinthink blong aquirem land long olketa provinces blong yumi blong fasilititem private investment mo business I ko down long olketa provinces.

 Yumi nid too blong think deep long how yumi save protektem local industry blong yumi blong oli grow without bridgim WTO rules mo ol narafala trade agreements.

Productive sector

 Long saed blong agriculture, yumi kat wan bigfala program wetem EU blong sappotem prodaksen mo value-adding polisi blong kavman

 Total kost blong program ia hemi EUR35 Million mo unda long EDF11 oli contribute long EUR25 Million mo narafala EUR10 million I kam long reserve kontribusen.

 Fundin ia bae I ko blong promotem production, value addition, safety mo quality, mo trade long saed blong coconut, beef, fruits, mo vegetables value chains.

 Long saed blong livestock, program blong “re-stocking” I stap ko ahead blong helpem ol local farmers blong yumi through aot long ol island blong Vanuatu.

 Hon. Spika kavman I approvum wan budget blong VUV150 million blong copra subsidy we bae yumi pem I ko long oil mill companies blong promotem value adding mo encouragem private sector investment long sector ia.

 Semtaem too yumi look se local market blong copra hemi no respond nothing long international price blong copra. Yumi nid blong think deep about how yumi addressem ol challenges blong sekta ia.

 Coconut hemi wan prodact we yumi pikimap under long EDF11 program blong lukluk long how yumi save developem industry ia long wan sustainable way .

Fisheries,

 Hon. Spika, President I refer too long fisheries mo maritime affairs olsem wan areas we hemi underexplored.

 I true tudei yumi raorao nomo long land be Bigfala Ocean I stap nomo. Yumi no explorem how yumi save usum blong sapotem development blong kauntri tudei.

 Work blong Maritime Boundari I prokress good mo diskasen I stap ko ahead nao ia wetem kavman blong New Caledonia mo Fiji

 Hon. Spika hemi very important blong yumi sortem aot Maritime Boundaries blong yumi blong kivim wan klia line long saed blong EEZ blong yumi.

 Yumi hop se taem yumi ajivim hemia bae I helpem yumi blong plan konfidently long how yumi save usum ocean risos blong yumi

 Review blong kavman machinery I work noa ia blong lukluk how yumi save restructurem fisheries mo maritime affairs long wan way we kavman I save developem potential blong sekta ia.

 Semtaem too kavman I stap work blong aquirem Palekula blong suppotem development blong fish market mo prodaksen long kauntri.

 Plan I stap too blong revium ol license blong olketa fishing vessels mo revium whole industry blong konsiderem possibility mo nid blong reloketem shipping registry I kam long Vanuatu.

Human resource development

 Hon. Spika long remarks blong President hemi touch too long importance blong labour mo how Vanuatu I save usum human risos blong hem wisely.

 Kavman hemi divelopem wan National Human Resource Development Plan mo yumi stap luk forward blong launchem plan ia long early 2019.

 Plan ia hemi blong guidem ongoing investment long school mo post-school education mo training blong impruvum match between skill demand mo skill supply.

 Hon. Spika, plan ia bae I help blong addressem fulap challenges mo issues we Vanuatu I fesem long saed blong human risos management mo development tudei,

 Long saed blong scholarship kavman I spendem kolosap VUV800million long year ia mo work I stap ko ahead noa ia blong konsiderem how yumi save rediusum budget blong regional scholarship mo sappotem olketa post-sechool mo tranning providers long kauntri.

 Yumi olso witnisim roll out blong Universal free education start long kindergardern, year 7 mo 8 long 2018, year 9 mo 10 bae I happen long 2019 mo year 10 kassem year 13 long 2020.

 Hon. Spika, Parliament ia I passem wan bill long session ia we hemi dil plenty long proteksen blong lokol jobs mo impuvum kondisen blong olketa ni-vanuatu workers.

 Semtaem too kavman I recognaesem benefits blong RSE we I trickle down I ko long ol islands blong yumi.

 Yumi kat mo money I kam long saed blong remittances mo yumi lukim changes long living blong olketa we oli participate long program ia.

Land

 Long saed blong land, yumi recognaesem se I still kat need blong lukluk long hem how yumi save addressem bottleneck, disputes mo issues related long land leases tudei.

 So wetem ongoing reform mo discussions we I stap tudei mi bilive strong se bae yumi save faenem wan solution we I relevant long context blong Vanuatu.

 Mi wandem apil I ko long olket chiefs blong oli work tuketa wetem kavman blong addresem issues blong land tudei long best interest blong development

Reviu blong Machinery blong Kavman

 Hon. Spika, mi wandem updatem honourable haos ia mo pipol blong Vanuatu long work blong reviu blong kavman machinery.

 Stampa thinthink behaen long work ia hemi blong impruvum performance, delivery blong seves, accountability, mo responsiveness blong kavman long olketa needs blong pipol.

 I kat wan Task Force we kavman I appointem blong mekem wok ia mo mi klad blong talem tudei se review long saed blong Ministry blong Praem Minista, Finance mo PSC I stap long final stage blong hem.

 Yumi look forward long implementesen blong reviu ia long early 2019

 Task Force too I sapotem work blong reform blong politikol party we hemi link long work blong kavman machinery.

 Hon. Spika, work blong politikol reform mo kavman machinery I nidim politikol will mo komitment long national interest.

POLITICAL STABILITY

Hon.Spika, long remarks blong President hemi mekem reference too long importance blong political stability olsem wan foundation blong development.

 Pipol mo lidas blong Vanuatu I mature enaf blong luk save se politikol stability hemi important blong allowem development I happen.

 Long level blong Parliament ia yumi diskasem fulap how blong ensurim politikol stability

 Whilst people I luk save importance blong politikol stability, long level blong yumi long parliament yumi mast changem mindset blong yumi blong work tuketa blong addressem political instability tudei

 Hon. Spika mi wadem updatem hounourable house ia mo pipol blong Vanuatu se I kat wan Task Force komiti I kontinue blong work long thinkthink blong how yumi save takem wan niu approach blong addressem politikol instability tudei

 Yumi expektem blong diskasem outkam blong work blong komiti ia long session blong Parliament ia.

 Komiti ia I fokas long how yumi save kat wan politikol intergrity party bill we I relevant long context blong Vanuatu mo ensurim se I kat politikol stability long level blong parti mo national Parliament.

 Mi wandem mekem kol ia I ko long lidas blong wan wan politikol partis blong think seriously long work ia mo work tuketa wetem wan open mind blong faenem wan best solution long problem ia.

STABILITY MO JUDICIARY

 Judiciary hemi wan important arm blong wanfala state mo nesen. Hemi very important blong mekem sua se hemi karem aot work blong hem long wan fasin we hemi independent mo effective.

 Hon. Spika long saed blong hall blong justice kavman hemi mekem komitment blong hem long 2019 budget finish

 I kat two development partners we oli indiketem support blong olketa mo mi klad blong talem se wetem komitment blong kavman yumi manage blong sekurim wan third blong kost blong building.

 Kavman I wandem se every development partners we oli sapotem Vanuatu long development blong hem oli putum money I ko insaed long hall blong justice ia.

 Yumi stap luk forward blong startem work long hall blong justice sometime long nekis year

 Hon. Spika, long toktok blong Excellency hemi touch too long nid blong konsiderem law reform komisssen we I stap tudei.

 Kavman I welkamem kol ia mo bae I kivim long olketa authority konsen blong konsiderem mo riport back long how yumi save implementem

SEKURITY FORCE

 Hon spika, long saed blong security force I kat plan blong upgradem numba blong polise I kasem 300 long 2020.

 Upgradem polis academy fasilitis

 Kavman I stap work too blong putum wan National Security Strategy olsem wan roadmap blong development blong security long kauntri

 Hon. Spika concept blong security tudei hemi change. Traditionally yumi stap refer long proteksen blong national sovereignty, fight akensem national crime mo mentenem public safety

 Tudei security I kaveremap ol narafala erias olsem climate change, natural disaster, health security, cyber security mo elements blong human security.

 National Security Strategy plan ia hemi lukluk long how Vanuatu i save addressem olketa erias ia wetem support blong regional mo international organisations.

 Kavman I work too blong establishem National Security Council blong managem implementation blong National Security Strategy mo national security issues long kauntri.

 Hon. Spika, National Security council bae I help bikwan blong stopem political interference insaed long operation blong force mo allowem force blong karem aot work blong hem follem rule of law.

 National Security Strategy hemi touch too long how yumi save work tuketa wetem ol friend kauntri mo neghbour blong yumi blong addressem maritime surveillance mo border security long wan sustaianable way.

 Long ples ia mi wandem acknowledgem bigfala support we I kam long Australian Kavman mo ol narafala Development Partners blong helpem yumi addressem security issues blong kauntri ia.

Hon Spika mi wandem joinem President too blong wishim you hon. Spika, President blong Republic blong Vanuatu, Hon Leader blong Opposition mo everi membas blong Parlaiment wetem pipol blong Vanuatu wan safe Christmas celebration mo blessed and happy New year 2019.

Thank you Tumas

  Plis alaowem chair: fisrtly congratulatem yu mo office memba blong yu long sakseful elecsen blong 20th sesen blong ITU Plenipotentiary konference. Delegasen blong mi i kat ful konfidence long lidaship mo wishim yufala every sakses.

Ol Honorable Chair

2.       letem i stat blong takem ITU long ontinious sapot blong hem blong divilopmen blong ICT/telekomunicasen sekta long Vanuatu.

3.       Vanuatu hemi positively progresse ova long las 4 yia mo thereby i ko gud loogn way blong hem blong achievemen blong gol blong konect long agenda blong 2020. Hemi altaem kam fir conviksen blong yumi we ICT i kam wan machin we bai i provaedem kommen platform blong takem yumi everywan tugeta. 

honourable chair

4.       Mobile broadband coverage hemi increase ova long 98% long total populasen blong Vanuatu: Vanuatu hemi experimentem sei mobael sabscripsen hemi gru long 24% since long quata blong 2016 wetem serves hemi affordable kam increasingly olsem reflected long 20% mak inkam  we i increase we oli repoted long last quata blong 2017. Satelaet broadband netwok  hemi geograpgycally voveramap 100% long evry aelan  blong Vanuatu. Rol aot blong Fibre In Home( FIH) mo Fibre to Business (FTB) tugeta wetem lokol presence blong catching servers blong some long ol big CDNs long Vanuatu internet exchange poen i combined wetem leapfrog from 2G, 3G mo 4G hemi luk ol mein improvement blong internet spid long Vanuatu. Ol ajivmen ia bai oli no save deliverem with aot multi stake holda colaborasen wetem wan approach we i promote long Nasonal ICT polisy.

5.       Ol ajivmen ia oli bikn kam wetem maja mo dificuty jalens we oli atributim i ko ol archipelagic nature blong kaontri wetem ol aelan we oli separate long wota. Gavman blong Vanuatu hemi acknowledgem ol jalens mo therefor oli takem ol strik mesure blong addresem olgeta tru long divilopmen blong innovative policies, for example sharing blong infrastructure ploicy we hemi karently divilop. Strategy polisy bai i enable collaborasen long ofis blong telekominikasen mo regulata long quality improvemen serves, user experience mo addresing eria olsem black spot areas 

Honourable Chair

6.        Vanuatu hemi located long earthquake prom " ring blong faea" sit ia hemi senta blong strap blong saeklon blon Pacific mo ol  save olsem wol most lon risk kaontry long nasional hazard. Vanuatu hemi acknowledgem assistance blong ITU long netwok we hemi karently being unda taking blong establishim wan klia mo operational Nasional Emergency telekomunicasen plan blong Vanuatu, yumi acknowledgem assistance mo sapot we ikam long anata regional patna olsem Asia Pacific Telecommunikasen (APT) we i wok closely wetem Vanuatu long solusen long innovasen  long early warming system blong yumi long volkanos  as long as post disasta recovery sapot solusen we oli save olsem movable deployable ICT Risource Unit ( MDRU).

7.       Wetem sapot blong Australian Gavman tru lonn Dipatmen blong forein afea mo Trade (DFAT)'s cyber Afea Program emergency Response Tom ( CERT VU ). Rate long which Pacific hemi konect long fibre optic sabmarine kable we hemi amzing. Hoaeva, geopgraphicaly locaisen blong ol aelan, ol provincials senta mo komunity. Bai hemi always remain inherent jalens, long saame taem Gavman mo stakeholda we oli kommitim olgeta long kapacity building blong oli NI-Vanuatu. Vanuatu Gavman hemmi also konsiderem bak ap infrastructure gateway especialy sabmarine cable. 

honourable chair 

8.       Yumi luk se prores mo ajivmen Int ICT divilopmen, mo tu yumi save acknowledgem potential blong technology olsem artificial Intelligence, internet blong ol thing, smat cities, blok jen, mo 5G artificiol inteligence olsem potentiel  long contribusen blong some specific serves secta olsem helt delivery olbaot blong medicol saplae blng remotem pat blong kaontri we hemi kam wan jalens . Potentiol blong black chain tecknology oli considerem sabject long appropriate ligislasen.

9.       Long 2017, ITU i conductem long ICT Regulator tracker we i stap long Vanuatu grup 3." Long Regulata invironmen we hemi enable long inestmen innonvasen mo fokas, duals fokas long stimulating kompetisen long serves mon onten blong delivering mo protecsen blong consuma " Gavman blong Vanuatu i foreses long potentials blong digital society blong Vanuatu mo wok long stating long establishing long National Digital gavernance rod map wich bai hemi enable Vanuatu  blong establishim wan klia mo strong policies we i includum lesgislative mo regulatory framewok blong bostem ICT long divimopmen blong Vanuatu. 

honourable chair 

10.   Ova -long -top serves oli beneficial long ol aelan nasen blong yumi, haoeva i kat some jalensing isu. Yumi bilif se tru long colaborativ engagmen blong yumi, yumi save faenem solusen we yumi everiwan i save beneficie long hem. 

11.    May bai mi conclude blong talem thankio long ol patna mo mi laek blong expresem dip appreciasen blong yumi i ko long ITU we i always stap forefront long assisting memba stei.

I ko to long generus hots blong yumi, yumi talem thankio long gavlan blong United Arab Emirate long wonderful  hospitality long great city ia. 

Mi talem thankio long honourable Chair

Praem minista Salwai i handem 300 000 vatu igo long komiti blong Tanna we istap ogaesem national yut camp blong katolik jioj raon long Vanuatu long yesterday sunday 9 disemba long Lowanatom katolik misen. Ples we camp istap gohet long hem. Camp bae hemi gohet wan wik.

Olsem Lida blong Kavman, mi praod blong save atendem Yut Camp ia tedei olsem Praem Minista mo semtaem wan memba blong Catholic Jios blong Vanuatu. Wan gathering olsem hemia i riflektem tru fridom blong yumi from yumi bin jusum long 1980 se bai yumi nao yumi save disaedem desitini blong yumi olsem wan pipol mo tu hao blong shapem bilif mo konsens blong yumi tru long moto blong yumi we hemi talem “Long God Yumi Stanap’’ we hemi wan stetmen we onli a few kaontri long wol oli save acknowledgem. Yumi bin diklerem tru long Preamble blong konstitusen se establismen blong united, fri Ripablik blong Vanuatu hemi stanap long tredisinol Melanesian value, faith long God mo ol Christian prinsipol.

So Gathering ia hemi impotent from tufala risen ia:

1.     Hemi riflektem Impoten rol blong jios blong save upholdem fridom blong konsens we hemi wan raet we yumi olsem wan nesen I no bin kat antil indipendens long 1980 mo hemi wan raet we yumi mas difendem olsem wan fri mo indeipendent kaontri. Longtaem I kam, jios nao I bin bikfala institusen we hemi bin stap provaedem seves deliveri mo jios tu hemi bin pleim bikfala rol long fridom blong yumi.

Kavman we mi lidim tudei hemi jes lonsem long last yia wan plan we yufala evriwan I bin tekem pat long konsaltesen blong hem we yumi kolem Nasonal Sasteinebol Divelopment Plan. Insaed long plan ia, kavman hemi luk save impoten rol blong jios mo hemi aotlaenem long polisi daerektif blong sosaeti pila 1.5, Nid blong mas strengthenem rol blong jios blong kontinue blong sapotem ol komuniti seves from starkja blong jios hemi ko daon kasem level blong komiuniti mo evri eria oli kat wan jios finis.

Hemia kavman blong mi hemi stap wok finis blong divelopem polisi blong NGO we hemi shud provaedem wan fremwok blong save aloem kavman blong save wok mo klosap wetem ol jios or komiuniti based okanaesesen long seves deliveri. 

2.     Nambatu poen we gathering ia hemi impoten from hemi from se hemi wan gatering blong ol yangfala. Vanuatu tudei hemi wan yutful kaontri we I minim se kaontri ia, majority blong hem or 68% blong populesen nao hemi ol yangfala anda long 30 yia. Wan narafala wei blong lukluk long hem, sapos Vanuatu hemi wan haos we I kat 10 pipol insaed, 6 long ol pipol ia hemi ol yut we yumi defaenem long Nasonal Yut polisi blong yumi hemi olgeta we age blong olgeta I stat long 12 ko kasem 30 yia.

So sapos yumi tekem ol pikinini we age blong olgeta hemi 0 to 11 yia, afta ol yut we hemi 12 to 30 yia, kaontri ia hemi medap long ol yangfala. Long wan wei, hemia hemi prisentem wan polisi jalens long wan pua kaontri olsem Vanuatu from naoia, insaed long haos ia we I kat 10 pipol, at lis 3 nao oli stap wok blong sapotem 7 pipol. 1 long ol 7 pipol ia hemi olfala we I nomo save wok, wael jalens blong kavman, hemi hao blong divelopem potensel blong narafala 6 ia.

 Polisi blong kavman hemi blong provaedem 100% edukesen blong sapotem olgeta. Sapos yu luk insaed long niufala polisi daereksen blong kavman, long bifo I kam, edukesen hemi olsem wan prodakt we qualifikesen o pepa blong yu nao bai yu save eksjensem blong karem wan wok.

 Bai yumi talem se hemi bes long wan strategi blong ‘’survival blong the fittest’’-yu strong yu win. Be hemi no bin mesarem ol difren level blong inteligens mo krietiviti, mekem se yumi no bin divelopem stret potensel humen risos blong Vanuatu.

Tudei kavman we mi lidim hemi bes long tingting se edukesen hemi wan human raet. Evri pikinini, no mata long wanem parents oli kat, o wanem aelan oli kam long hem, o weta oli boe o gel, oli kat raet blong mas kasem edukesen we hemi quality mo I ikual mo fea long evriwan.

Hemia I stap long Sosieti pila 2 we hemi olso tokbaot nid blong mas kat ol difren patway, we I save aloem pikinini blong isave jusum wanem we oli wantem mekem, bes long ability blong olgeta we I no restricted long system blong yumi. Kavman blong mi I wantem stopem dropaot long skul mo tu stopem hao system hemi stap westem human risos potensel blong hem.

So wetem bikfala plan we yumi kat, Kavman hemi stap divelopem tu wan Human risos development plan blong yumi save identifem ol skils mo employment gaps we I stap blong save adresem gud.

As yufala I stap long wik ia blong diskasem bikfala tingting we hemi “Nous Sommes tous Evangelisateurs” o “ Yumi everiwan ol Evangelist”, mi wantem blong lego wan enkarejment mo jalens wetem yufala, olsem Praem Minista blong wan kaontri, we hemi diklerem se hemi stanap long God.

Kavman, jios mo nakamal oli provaedem ol value, bilif mo sapot we hemi divelopem identity blong yumi, olsem wan pipol mo blong yufala I save divelopem potensel blong yufala blong kontribiut blong bildim nesen blong yumi, be rol blong sekiurum  wan gudfala sasteinebol fiutja blong Vanuatu, hemi stap long han blong yufala and espesili nao yufala ol yut blong jios:

Long Buk blong Joel japta 2 ves 28 mo Acts Japta 2 ves 17 Holi toktok blong God hemi talem olsem se, Bai taem I stap kam we bai mi pourem spirit blong mi long everi wan: ol son mo ol daughter blong yufala bai oli profesai, ol olfala bai oli luk ol drim mo ol yangfala bai oli luk visen” Proverbs 29 ves 18 hemi talem olsem se sapos I no kat visen, bai ol pipol oli perish.

Nasonal wik blong yut Camp ia hemi kam long raet taem as Kavman hemi stap lukluk long jalens blong human risos, be jalens blong jadjment blong God, long yumi olsem wan nesen, we yumi diklerem yumi olsem wan Christian Kaontri, I stap long hand blong yufala ol yut blong jios.

Disasta we bai hemi afektem yumi sapos ol pipol oli no divelopem stret potensel blong olgeta o oli wanda away from God, hemi stap nao long yumi ol yangafala lida, we yu bin fanreis blong pem ship blong yu o blong regista blong kam long ples ia tudei.

Tankiu blong step ap long lidasip jalens blong kat visen blong apholdem prinsipol blong indipendens, fridom mo development.

Mo mi finis wetem wan mo ves long Baebol

“Jeremiah 1:5: “Bifo mi fomem yu insaed long womb long mama blong yu, mi save yu finis mo mi saetem yu apat, mo mi apoentem yu finis olsem wan profet (o wan evangelist, wan lida ) insaed long nesen”.

Nesen ia hemi wan nesen blong ol yangafala, yumi nidim ol gudfala rol model yut lida blong tekem lid. Tudei mi praod se I kat 1,000 yut lida long ples ia. Bai kavman blong mi hemi wok wetem yufala tru long Yut Ministri mo Nasonal Yut kaonsel olsem ol patna insaed long development, dimokrasi mo nesen bilding.

Wetem toktok ia, mi wantem Diklerem Nasonal Yut Camp blong Katolik Jios long Lowanatom, West Tanna long Tafea province wetem tingting blong “Yumi Evriwan ol Evangelist”, hemi ofisali Open!

God i blessem yufala everiwan!

Thank yu long attention blong yufala.

Ol yut blong katolik church stat long not igo kasem saut Pentecost, oli talem tankiu long praem minista mo semtaem MP blong Pentecost blong hemi save helpem olgeta long 100 000 vatu blong oli save tekem pat long National Yut Camp blong katolik church we istap gohet naoia long aelan blong Tanna.

Katolik misen blong Lowanatom long Tanna i hostem stat long tede miting blong katolik yut raon long VANUATU. Hemi 10h00 tede moning ol delegeit blong not VANUATU istap off lodem ship yet long Lenakel naoia. Oli no kasem Lowanatom yet blong parade blong opening i save stat. MP blong Tanna, Nako Natuman hemi guest spika blong Rassemblement des jeunes catholiques long katolik mission blong Lowanatom. MP Nako bae hemi deliverem toktok blong Praem Minista Charlot Salwai long yut blong katolik church raon long Vanuatu tede . Praem Minista Charlot Salwai we hemi sentaem MP blong Pentecost hemi handem ova 100 000 vatu igo long katolik yut blong Pentecost long Lowanatom, Tanna tede afternoon blong helpem olgeta long taem we oli stap long miting blong olgeta long Tanna. Ol yut i talem tankiu long PM from help blong hem. Oli wishim PM mo family blong hem Merry Christmas mo Happy New Year 2019. Praem Minista Charlot Salwai tru long MP Nako Natuman i handem ova 300 000 vatu blong helpem Rassemblement blong katolik yut blong Vanuatu long Lowanatom tede afternoon.

Praem Minista Charlot Salwai i talemaut long lokol media tede sava se gavman bae hemi tekem seriously complaint blong FORGERY blong signetsa blong ol MP blong palaman we opposition, hemi iusum long motion blong hem we hemi dipositim tede morning. Mr Salwai talem se ikat forgery mo i possible blong ikat complaint blong kitnaping tu. Ol signetsa we oli stap long motion ino kat deit blong hem mo oli no stap long wan pepa nomo. Evri 30 signetsa we opposition i usum tede, oli stap long wan wan pis pepa. Ol signetsa ia, sam gavman MP we opposition i talem se hemi signetsa blong olgeta, oli sek bagegen long hem. Ol signetsa ia, oli no iven semak long hemia we istap long roll-call we ol memba blong palaman i saenem. Mr Salwai i talem se hemi no lukim ol risen blong mosen ia yet be media i talem se praes blong koprah hemi wan long olgeta risen mo isiu blong volkeno blong Ambae, Mr Salwai talem se ol risen hemi childish. Praem minista i talem se long budget session ikat mani we palaman bae hemi pasem blong hemi blong helpem situesen blong praes blong koprah long tede. Praes blong koprah hemi dipen long praes blong wol maket be gavman bae i pasem mani ia long budget session blong helpem ol fama.

Spika blong palaman hemi rul yesterday se motion blong opposition blong requestem wan extra-ordinary session blong palaman blong dibetem wan motion blong no confidence agensem Praem Minista Charlot Salwai, hemi no stap long oda. Decision blong spika ia hemi no concernem motion blong no gat confidence be hemi beis mainly long motion blong calling blong wan extra-ordineri session. Wan long olgeta risen blong hem hemi from we ino save calling blong 2 extra-ordineri session long wan taem. Nara wan, hemi folem widrol blong 11 signetsa long motion blong calling long yesterday. Hemi festaem long histri blong palaman we 2 calling blong wan extra-ordineri session. Problem blong calling blong opposition se hemi mekem request igo long spika taem we fes calling hemi on finis. Wetem 19 MP long opposition tede morning bae opposition inomo kat inaf sapot blong mekem wan nara request.