Wan delegesen blong FLNKS istap naoia long Port Vila blong brifim gavman blong Vanuatu about progress bllng referundum long namba 4 Novemba long yia ia. Mr Victor Tutugoro i talem se ol kanak oli mekem evri possibiliti blong winim referundum ia. Hemi talem se sapos oli no winim referundum long namba 4 novemba long yia ia, fait bae ino stop be ol kanak bae oli gohet blong fait blong olgeta aut long Franis gavman. Hemi talem tankiu long sapot blong sapot blong gavman mo pipol blong Vanuatu. Praem Minista Charlot Salwai i talem se gavman mo pipol blong Vanuatu oli stap wetem ol kanak long stragol blong olgeta from fridom blong olgeta. Mr Salwai i talem tankiu long ol difren lida we oli komposem FLNKS. Hemi talem se folem las visit blong hem long New Caledonia hemi bin proposem long Council of Ministers mo COM i apruvum miting ia. 
    Folem las sensus i soem se total blong population hemi 270 000 pipol. Ol kanak oli representem 39% blong total population.

    Thank you long invitation we yufala extendem i kam long mi blong participate long important okesen ia

    Vanuatu i wan long ol kaontry long Pacific region blong kat wan polisi blong banem non-biodegradable plastik stat long  july 2018

    Yumi kat wan Ocean Policy i stap in place tugeta wetem National Sustainable Development plan blong yumi we oli advokatem importance blong kivim enviroment klin inkludim solwota blong yumi.

    From wanem yumi nidim blong tekem polisi direction ia?

    Yumi luk save impotens blong managem olgeta waste blogn yumi from we hemi save kosem polusen long graon mo solwota blong yumi
    Yumi luk vinis issue blong "plastik" hemi stap affectem yumi naoia from we i no bin kat propa managemen long past.

    Yumi save sei fulap long ol imports blong yumi i kontinu blong karem plastics, olsem single-use, olgeta packaging, mo ol narafala goods we hemi kat plastics long hem.

    Therefor yumi nid blong kat polisi olsem blong helpem yumi protektem environment mo solwota blong yumi blong helpem yumi tudei mo fiuja generation we i stap kam.

    Polisi direction blong blong banem non-biodegredable plastic hemi nidim everi stakholders long kaontri blong work tugeta blong implementem.

    Mi wantem talem thank yu blong gavman i ko logn Azure Pure Water blong kam olsem wan example long how Prive sekta, NGO's, mo business komuniti i save work tuketa wetem gavman blong implentem polisi ia.

    Initiative blong " pem plastik" hemi wan " recycling " initiative blong helpem blong protektem envaeromen mo ol pipol blong yumi.

    Gavman i kontinu blong stanap strong blong addresem isiu blong polusen mo waste from olgeta " plastiks"

    Yumi mas tokbaot mao " Recycling, Reuse, mo Reduce" olsem ol principal tingting blong manajem ol toti blong yumi.

    Gavman i also wantem acknowledgem bigfala wok blong ol gavman Dipatmen, olgeta Municipal, olgeta NGO's, Private Sekta, mo olgeta  partners blong yumi we oli kontinu blong traem faenem ol solution blong addresem olgeta isius blong ol "toti/waste " olsem plastics.

    Olsem we World Vision, Azure Pure Waters wetem  olgeta partners i showem thru long " Recycle Initiative ia" yumi mas kontinu blong wok blong addresem isu blong platiks blong yumi.

    Mi appeal long yumi evriwan, gavman, olgeta NGO's, olgeta partners, Private Sector mo olgeta pipol blong yumi i mas kontinu blong wok tugeta blong addresem isu blong plastiks blong yumi.

    thank yu tumas

    Mr Salwai wetem delegesen blong hem bae hemi finis tede wetem opening blong niu building blong Nikoletan. Hed ofis blong Nikoletan hemi wan long olgeta building we TC PAM hemi damejem. Tede afternoon ol chief blong Tanna oli lukim flaeg blong olgeta i flae bagegen long niu ofis blong olgeta. Bifo Nikoletan flag i flae for the first time afta long Pam, ol chief oli perfomem kastom seremoni mo mekem blad blong pig i ron long nasara blong olgeta long Blak Man Taon blong Lenakel.
     

    President blong RMC mo semtaem praem minista i kasem gud welkam long RMC regional komiti blong Luganville tede naet. Mr Salwai i dismisim ol toktok we lida blong opposition Ishmael Kalsakau ikam mekem long Luganville ino long taem. Mr Salwai i talem ol toktok blong hem i soem se hemi toktok blong wan pikinini. Mr Salwai i talem se Mr Kalsakau i soem klia se hemi no save histri blong UMP. Hemi talem se hemi agensem INCOME TAX be hemi no save long 2003 national congres blong Ifira i bin apruvum income tax. Hemi talem se Mr Kalsakau i agensem Luganville be hemi foget Santo hemi wan ekonomikol port blong Vanuatu. Mr Salwai i talem se Mr Kalsakau ino respektem ol MP blong Santo taem we hemi talem se oli ol pikinini. PM i talem se ol MP ia pipol i elektem olgeta mo oli ol lida long komuniti blong olgeta.

    PM Charlot Salwai mo delegesen blong hem oli mit wetem busnis community blong Luganville mo Santo tede morning long Hotel Santo. Mr Salwai i talem tankiu long olgeta blong contribution long economic development blong Vanuatu. Hemi talem tankiu long ol investa blong tsusum Vanuatu blong invest long hem. Mr Salwai i talem se blong devolopem Santo yumi mas lukluk long foret. Mr Salwai i talem se Port Vila mo Luganville i smol finis mo hemi gud blong aedentifaem wan graon long Santo blong consentretem ol busines long hem olsem ol hotel.

    Ol.chief blong Saut Ist Santo oli klapem.hand yesterday taem we gsvman i talem se.Luganville hemi wan ekonomik port mo hemi gud blong equipim Luganville mo Santo long ol infrastructure. Ol chief i welkamem any devolpmen we gavman i wandem mekem long graon blong olgeta. Ol land ona blong Pekoa airport mo Palekula i welkamem tingting blong gavman blong mekem airport ikam bigwan moa mo mekem Palekula ikam fishing base olsem bifo. Ol.toktok ia ol chief mo land ona i talem long gavman yesterday. Yesterday Praem Minista Charlot Salwai, minista blong finance Gaetan mo minista blong land Alfred Maoh oli hotem miting wetem ol chief, ol land ona, Sanma province mo Luganville municipal kansel blong tokbaut ol developmen ia long olgeta. Ol land ona mo ol chief i talem se afta long moa long 30 yia long indipendens bae oli finally luk frut blong indipendens. Oli talem se ikat ol smosmol problem be hemia hemi blong kitchen blong olgeta be mas lego developmen i gohet. Praem Minista i talem tankiu long ol land ona mo ol chief blong Santo blong oli save acceptem blong ol pipol blong Not kasem Saut i save kam stap long graon blong olgeta. Yesterday PM Salwai wetem delegesen blong hem oli kasem Najino Point long saut Santo blong talem gavman blong tede bae hemi mekem kolta rod blong olgeta. Tede moning delegesen blong PM i mit wetem busines komuniti blong Luganville mo Santo.

    Mi kat hona ia blong joenem yufala tudei long malaria samit ia, hemi appropriate blong yumi tokbaot malaria long stage ia, mo tingbaot impotant helth blong ol pipol. Hemi kam wan critical taem we global kommunity oli fokas long intanasonal pis mo sikiruty, be malaria hemi wan nata form blong treat ling helth mo livehood blong ol pipol blong yumi mo therefor hemi mas remain olsem praority blong agenda blong yumi.

    Ova long las decade mo haf gavman blong yumi i implimentem wan ambicious malaria control mo elimination prokram. Wan we hemi bin disaenem craefuly mo tu i ajivim broader helth benefit tru long strengtening system mo extendem kooperasen program.

    Gavman blong mi hemi pursuet long bigfala program blong eliminasen blong malaria progressively tru aot long every province long Vanuatu we i inludum distribusen blong longlasting nets long kaontry wide. I kat acces long diagnostic mo tritmen oli bin ensured insaed long helthy facility.

    WOk ia, ol dona patna nao oli sapotem mo wetem extensive komunity engagemen we i ajivim wan rimakable resalt.

    Long 2017, eliminasen blong malaria hemi ajiv long most long ol province, i no kat wan local case olsem since long 2014. I kat gudfala progress we oli mekem long term blong eliminasen program we i not kat ded ripot long Vanuatu sine long 2012.

    Long 2028, Vanuatu hemi aims blong complitim malaria fri.

    Tudei, mi glad blong endorsem long bihalf blong gavman, APLMA ( Apple- mah') lida blong eliminasen rodmap blong reafirmem komitmen ia.

    Wetem extrem delining, konference blong tudei bai i mas mekem wan nui shared efot blong eliminatem malaria globaly.

    Yumi komotim yui blong accelerem progress, howeva blong ol smol aeland olsem Vanuatu, bai yumi continu blong rely long strong sapot blong patna olsem kavman blong Australia mo global fund. Mi kol from greta united efot mo inrise cooperasen tugeta blong yumi.

    thankio tumas

    Folem ol allegations mo speculations long local media mo social media about 4 million vatu igo long sport we Kansel Blong Minista, hemi bin apruvum long saed blong Commonwealth Games, miting we hemi tekem ples long tede, Fraede 27 April 2018 long ofis blong praem minista i konfomem se mani ia, hemi stap nomo long department blong finance.
     
    Miting tede  i harem se KBM i bin apruvum mani ia olsem wan stand-by in case sapos Committee blong Commonwealth games hemi askem Vanuatu blong hemi pem registration fee. Department blong finance, hemi konfomem tede se ol nogud tok tok we istap go agensem ministri mo dipartment blong sport, hemi totaly rong from we mani ia i neva bin used mo hemi stap nomo.
     
    Miting tede , hemi tekem tugeta Praem Minista Charlot Salwai, Minista blong Yut mo sport, Seule Simeon, depatment blong finance mo VASANOC, hemi blong kliarem ol rong information we istap kamaut long media mo social media.
    Mr Salwai i talem se hemi wan isiu  we ministry mo VASANOC tufala i sapos blong storian long hem mo fainem ol pruv blong hem nomo instead blong iusim media mo social media blong speculate long hem.
     
    Praem Minista i askem ministri, department, VASANOC mo ol difren federation blong oli wok tugeta blong developem sport long kantri blong developem talent blong ol yang pipol blong Vanuatu. 
     
    Mr Salwai talem se tede ikat plande yang pipol mo oli nidim ol bodi ia blong oli wok wan blong developem intres blong olgeta.
     
    Praem Minista i talem se hemi mekem 3 manis nao we Minis Gem i finis mo tede  gavman istap wet yet long ripot . PM Salwai i talem se gavman i sapraes blong luk se ripot blong gem ino kasem gavman yet be oli go serem check blong mani we oli kantri i winim long taem blong gem. Hemi talem se mani ia i sapos blong kam wetem ripot blong gem bifo oli save serem. 
    Hemi talem se gavman hemi spendem ova 900 milien vatu blong hostem gem mo mani ia, hemi mani blong pipol blong Vanuatu mo oli nidim blong save olsem wanem i bin spended.
    Hemi talem se ripot ia blong spending blong mani ia, bae hemi go long palaman.
    Praem minista i askem ministry blong sport, dipatmen mo VASANOC blong sidaon mo wok tugeta blong kamap wetem wan plan blong managem Korman Stedium, ol nid we wan wan federesen hemi kat blong Vanuatu i save saenem wan technical cooperation wetem gavman blong China.
    Hemi talem se hemi sad blong luk se sam sport disiplin olsem table tennis ino save wan coach long taem blong Commonwealth. 

     

    China i fes kantri autsaed long Vanuatu blong harem krae blong pipol blong Ambae folem problem we asis blong volkeno i mekem long aelan.
    Tede aftenun, ambasada blong China long Vanuatu hemi handem ova wan check blong 10 milien vatu igo long akting praem minista, Jean Pierre Nirua.
    Ambasada blong China i talem se gavman mo pipol blong People's Republic of China, oli hapi bigwan blong oli save oferem humaniterian assistens igo long olgeta pipol blong Ambae. Hemi talem se heart blong pipol blong China, hemi stap wetem ol pipol blong Ambae long situation we oli stap fesem naoia.
    Hemi talem se China, hemi wandem help blong karemaut pipol blong Ambae long hat taem we oli stap fesem naoia. Ambasada blong China, hemi talem se hemi hapi long wok we gavman blong Vanuatu, hemi bin mekem long taem blong fes evacuation blong ol pipol blong Ambae long taem blong erruption blong volkeno.
    Hemi talem se help ia, hemi folem tu gudfala rilesensip we Vanuatu hemi kat wetem China.
    Mr Nirua i talem tankiu long gavman blong China mo apil long ol nara kantri blong mekem semak olsem China. Akting praem minista i talem se cash mani we ikam long gavman blong China, hemi go inlaen wetem tradisen mo kastom blong Vanuatu we hemi blong helpem pipol taem we oli nidim help.
     

    Folem problem we volkeno blong Ambae istap kosem wetem asis blong hem, bae long mande nekis wik 23 April, bae ol chief blong Pentecost mo Maewo bae oli kat wan miting blong olgeta long hed kota blong Penama provins blong luk luk long desisen we Kansel Blong ol Minista, hemi tekem long las wik.
    KBM blong ol minista, hemi bin disaed long miting blong hem blong gavman, hemi tok tok wetem ol chief blong Pentecost mo Maewo blong sapos, tufala aelan ia i save givim wan pis graon blong muvum ol pipol blong Ambae igo long hem. Pis graon ia, bae hemi no blong risivim ol pipol blong Ambae long sot taem nomo be bae hemi olsem niu hom blong olgeta. Graon ia bae gavman, hemi pem blong olgeta. Ting ting bihaen blong tsusum tufala aelan ia, hemi blong kipim spirit blong famili mo provins istap mo hemi klosap tu long aelan blong Ambae. Hemia bae hemi mekem se sapos, pipol blong Ambae hemi muv igo be hemi klosap blong oli save go mo kam bak taem we situesen, hemi kam gud. Desisen blong KBM ia, hemi blong gavman, hemi pem wan permanent graon blong pipol blong Ambae. Gvaman website, hemi kasem infomesen se ikat ol nara aelan tu we oli redi blong givim graon long ol pipol blong Ambae.
    Long taem blong fes evacuation ol chief blong Pentecost mo Maewo, oli bin talem finis long gavman se oli redi blong givim graon blong pipol blong Ambae oli save go stap long hem. Ol hae chief blong Maewo, oli talem long gavman se Maewo hem wan, hemi save akomodetem evri pipol blong Ambae. Long taem blong fes evacuation ikat wan total blong ova 11 000 pipol we gavman i bin muvum olgeta igo stap long Santo, Maewo, Pentecost mo Efate.
    Naoia ikat wan total blong 9 000 pipol blong aelan ia we oli stap olbaut long ol evacuation senta long Ist Ambae. Long taem blong fes desisen blong KBM, i bin kat dikleresen nomo blong Saut mo West ikam wan disasta zon be long ol de we i pas wetem jenis blong dareksen blong win hemi mekem se asis i fuldaon tu long noten part blong Ambae. Ol ofisiol blong gavman we oli bin stap long aelan ia long wik ia, oli talem se dameij we asis blong vokeno, hemi mekem long Ambae, hemi bitim saeklon kategori 5.

    Offcanvas