Port Vila novemba 1st 2017, Praem minista Charlot Salwai Charibod mo presiden blong China Civil Engineering Construction Cooperation Zhao Dian Long, tudei oli officialy makem ceremony blong graon breaking blong makem stating blong rehabilitasen blong Bauerfield airport.

    Stating blong wok blong lot 1 blong Vanuatu Aviation Investmen Project (VAIP), wol bank now i fundem. Immediately wetem kontracta we i ha,dem ova posisen official site long las long wiken 24 oktoba.

    Ol attendance blong ceremony ia i kat ol minista mo ol oficial blong gavman mo wan blong wol bank, ol representative, tourism operata mo hoteleri, transport mo airline, indastry representative ceremonie ia we oli wet long hem  long taem hemi makem wan milestone we oli discraebem long taem ia, mo bakeken  olsem important project blong kaontri wetem bauerfield aeroport blong kam wan niu gate way blong ol visita long kaontri.

    Praem minista hemi reiterated long wan call blong hem i ko long gavman dipartmen mo line agency blong wok tugeta mo makem sua sei project bai i kam top praority mo bai i save complete long taem mo bai i continu blong servem kaontri long nekis foresseeable future.

    Long statement blong praem minista i talem olsem " yu make wan promes blong rebuildim runway blong putum back konfidence we yumi lusum taem long ol events early long 2016 we oli no alowem ol flaet lonf bauerfield, hemia hemi no sut blong apen bakeken"

    Mo hemi continu blong talem olsem " mi save sei i tekem some taem long ol contrata blong establishim olgeta nomo mo bong karem mobilisasen going from sei yumi kat ol legislasen blong yumi  we ol kontracta bai oli wok wetem, olsem ol strict guideline blong wol bank. Be hemia hemi no sapos blong stopem yumi long progressing blong wok, yumi no save affordem futher delay ia.

    Minista blong infrastructure Jotham Napat, hem tu i givim toktok mo i talem sei plan blong gavman blong upgradem all trifala intanasonal airport infrastructure mo especialy hemia long Bauerfield blong bai i save slovem ol widebodies plane.

    Mr Zaho, presiden blong CCECC hemi assurum ol contracta we oli kat fulap experience long project mo i includum wol bank we i fundem some long olgeta quite procurent guidelaen.

     

    Total cost blong project hemi ova long 7 billion blong vatu  

    Retreat blong ol MSG Leaders istap gohet naoia long las 19 floor blong The Stanley Hotel long Port Moresby afta long official opening long las naet. Retreat ia bae hemi fiinis long 12 klok tede morning wednesday 14 Februay. Praem Minista tede afternoon bae hemi mekem wan 5 minit statement o toktok . Wan wan MSG lida oli kat 5 minit tok tok nomo. Long taem blong plenary miting tede afternoon bae ol lida oli endorsem ol criteria blong kam membership long MSG. Yumi andastanem se afta we ol endorsem ol criteria bae praem minista Charlot Salwai bae pusum bagegen application West Papua blong hemi kam member blong MSG. Application blong West Papua hemi wan long taem dilei isiu blong MSG from we evri lida ino agri. I mas kat wanem oli CONSENSUS blong evri MSG lida blong West Papua. Niu criteria blong membership blong MSG bae hemi pablik nomo tede afternoon. Long tede afternoon tu bae ikat signing 21st MSG Leaders Summit.

     

     

    Yesterday hevi ren long Papoua New Guinea i bin distebem kalafuf tradtional welkam seremoni mo opening blong 21st Melanesian Spearhead Group Leaders Summit long Port Moresby . Opening ino ino bin save tekem ples autsaed be hemi insaed long Sir John Guise Indoor Sport Stadium. Opening seremoni long yesterday tuesday 13 February hemi lukim ol tsif mo pipol long wan wan province oli givim bigfala hip blong lokol kakae wetem ol bigfala olsem mit igo long ol lida blong MSG kantri. Praem Minista nao Charlot Salwai hemi risivim kakae ia long nem blong foreign minista Ralph Regenvanu, delegesen blong hem mo pipol blong Vanuatu. Evri lida lida blong MSG kamtri oli stap long Port Moresby be praem minista blong Fiji nao, hemi no stap. Hemi sendem foreign minista blong hem,  Ratu Inoke Kebuabola. Opening seremoni long yestede hemi new praem minista blong Solomon Islands, Rick Nelson Houenipwela hemi handem ova chairmanship igo long praem minista blong PNG, Peter O'Neil. Mr Houenipwela i talem tankiu long olgeta memba kantri blong mekem se MSG i save laef kasem tede. Mr O'Neil hemi presem ol foma lida blong Melanesia olsem Late Fr Walter Lini blong oli stanemap MSG. Hemi talem vision blong ol foma lida ia nao, hemi ol lida blong tede oli save stap tede long Port Moresby. Mr O'Neil i talem se evri lida oli kat big responsabiliti blong wok tugeta for prosperiti blong pipol blong Melanesia.  Hemi talem se MSG ikat ol challenge olsem finance mo climate change be hemi achivem plande developmen tu olsem regional pis kiping misen blong RAMSI long Solomon Islands. Tede wednesday 14 February long tede moning ol lida bae oli kat Retreat blong olgeta long The Stanley Hotel long Port Moresby nomo. Bae tede afternoon bae ikat MSG Leaders Plenary folem wetem statement we bae hemi kam long ol MSG Leaders , Associate Members, observers mo invited guest. Bae ikat press conference blong ol MDG leaders.  Closing seremoni blong 21st MSG LEADERS bae hemi stap tede naet Airways Hotel. Big toktok o tim blong MSG leaders Summit long yia ia hemi " Strengthenning Trade and Sustainable Development for an Inclusive Melanesia".

    Vanuatu i tekem wan nara step long financial developmen blong hem taem we hemi pemaut long yestede, tasde 8 Februari 2017, 50 million vatu share long Asian Infrastructure Bank, AIIB.
    Membaship blong Vanuatu long AIIB, hemi folem decision blong Council of Ministers long tuesday 29 okis 2017.  Long sem COM ia, ol minista oli mandetem ministri blong faenens blong hemi sabmitim wanem oli kolem EXPRESSION OF INTREST blong kam memba blong AIIB.
    COM, hemi agri tu long taem ia blong Vanuatu, hemi pem 25 share long AIIB. Folem decisen blong COM ia, ministri blong faenens hemi statem wok long hem be Vanuatu ino save pem share blong hem long las yia from we mani blong pem share, hemi mas karem apruvol blong parlamiant. Long end blong las yia nao, palaman, hemi apruvum mani blong gavman blong Vanuatu, hemi pem 5 share insaed long AIIB.
    Wan share hemi 10 million vatu. 
    Vanuatu, hemi bin aplae blong hemi kam memba blong AIIB long septemba long 2017 mo long Novemba 2017, AIIB hemi akseptem aplikesen blong gavman blong Vanuatu. AIIB, hemi oferem blong Vanuatu, hemi pem wan share festaem be gavman, hemi disaed long yesterday blong hemi pemaut 5 share wantaem.
    Decision blong gavman blong Vanuatu, hemi pem share long AIIB, hemi blong hemi explorem ol nara avenu long saed blong ol bank we oli ofarem wan reit we hemi lo apart long long olgeta traditional maltilaterol institusen olsem World Bank, Asian Development Bank mo International Monetary Fund.
    Hed kota blong Bank ia, hemi stap long Beijing long China.
     
     
    Zone contenant les pièces jointes
     
     
     
     
     

    Praem Minista Charlot Salwai i talem se noni ikam tede wan nara prodak we pipol blong Vanuatu i save kasem mani long hem.
     Mr Salwai i mekem toktok ia taem we hemi visitim karen blong noni long namba 4 februari long Velit Bay long Ist Santo. Folem ol infomesen we praem minista, minista blong agrikaltsa, Matai Seremaia, minista blong fainens mo semtaem MP blong Santo, Gaetan Pikioune mo ol sinia ofisiol blong gavman we oli stap long aelan blong Santo, man i save stat blong winim mani long hem afta long wan yia nomo komperem long kava mo kokonas we hemi putum 5 tu 6 yia blong ol fama, oli save winim vatu long hem. Ol infomesen abaut noni ia se long wan stamba nomo, man i save winim 6 000 vatu mo long wan hekta nomo, man i save planem 1 000 stamba. Ol ripot we Vanuatu Gavman Website, hemi kasem i talem se man i save havestem noni 4 taem long wan yia. Infomesen we praem minista mo delegesen blong hem, oli kasem long kampani blong China we hemi planem noni ia se hemi kat maket blong hem long China. Kampani ia, hemi stap buildim naoia wan bigfala haus long Velit Bay  we bae hemi kam olsem faktri blong prosesem noni ia.  Kampani i talem tu se bae hemi givim fri ol smosmol tri noni igo long olgeta pipol we oli kat intres blong planem mo afta we bae hemi karem frut, ol pipol o komuniti i save salem bak long faktri.
    Mr Salwai i talem se taem we yu komperem noni long kava, kava ino kat maket mo faktri blong hem be noni, hemi kat faktri blong hem long Vanuatu mo maket blong china. Populesen blong China long tede, hemi ova long wan bilien pipol mo sapos, noni, hemi kat maket long China, hemi wan gudfala bisnis blong olgeta pipol blong Vanuatu.
    Praem Minista Salwai i talem se hem wan yet, hemi lukim noni blong Vanuatu we oli stat salem finis long China mo hemia hemi soem se ol sinua, oli laikem noni. Noni we oli salem naoia long China, wan nara kampani we hemi stap long Efate hem nao istap sendem igo.
    Hemi apil long ol wokman blong gavman we oli beis istap long Santo blong oli helpem ol investa we oli wandem invest long Vanuatu. Praem minista i talem se gavman i promotem bigwan Vanuatu se hemi wan gudfala ples blong investmen be sapos ol investa ia oli kam mo yumi helpem olgeta bae oli go bak wetem mani blong olgeta. Bae ol investa ia, oli save diskarejem ol nara investa blong oli no kam long Vanuatu. Hemi talem se plande taem, ol investa we oli kam, oli no save abaut proses blong oli save invest long Vanuatu mo hemi apil long ol wokman blong gavman blong oli helpem ol investa ia.
    Mr Salwai i apil long ol komuniti raon long Velit Bay blong oli lukautem gud plantesen blong noni ia. Apil ia, hemi folem ol toktok se sam pipol, oli  bin brekem fanis blong plantesen blong noni mo oli go rutumaut sam stamba blong noni. Mr Salwai i apil long olgeta tsif mo pipol raon long Velit Bay blong oli no distebem developmen blong noni be oli mas help blong protektem. Hemi talem se ol pipol we bae oli benefit festaem long projek ia, hemi olgeta we oli stap raon long eria ia.

    Long Fraede 11 kasem Sande 14 Januari, Graon mo Jastis Pati (GJP) hemi bin holem namba 5 Nasonal Kokas miting blong hem long aelan blong Akhamb long saot Malekula, hom bes blong GJP MP blong Malekula, Hon. John Sala.  Konstityusen blong GJP hemi talem se evri yia i mas gat wan Nasonal Kokas miting we i tekem tugeta evri MP mo Kaonsela blong pati, wetem tu ol jeaman blong olgeta.  Bigfala tingting blong Nasonal Kokas evri yia hemi blong sherem tingting mo givhan long manejmen mo growth blong pati.

    Long Nasonal Kokas miting i bin gat 6 GJP Memba blong Palamen mo kolosap evri 18 GJP Kaonsela we oli stap serv naoia long ol Provinsel Gavman blong Sanma, Penama, Malampa, Shefa mo Tafea, mo tu long tufala Minisipol Kaonsel blong Luganville mo Port Vila.Nasonal Kokas i bin lukluk bak long divelopmen blong pati long las yia 2017 mo mekem sam resolusen blong givhan long wok blong pati mo blong save ajivim ol objektiv blong hem olsem part blong Gavman.  Kokas i bin apruvum tu ol nem blong ol kandidet we bae oli kontestem minisipol eleksen blong Port Vila long Maj long yia ia, mo nem blong sam blong olgeta kandidet blong kontest long jenerol eleksen long 2020.

     Hae Jif, ol jioj lida mo pipol blong Akhamb Aelan oli bin pripea mo mekem wan gudfala welkam long Graon mo Jastis Pati mo oli talem se hemi no fes taem we wan politikol pati hemi holem miting long aelan ia.Oli talem se presens blong GJP politikol pati mo evri elekted ofisol blong hem hemi wan hona long olgeta mo oli luk fowod long gudfala rilesensip wetem MP blong olgeta mo GJP long ol yia we i stap kam.Miting hemi bin end wetem wan jioj seves we oli givim raet long GJP blong lidim mo afta i gat wan bigfala lanj we pipol blong Akhamb oli kakai tugeta wetem evrideleget. 

    Nekis Nasonal Kokas miting bae i stap long Tanna long manis Ogis nekis yia.

     

     

    Risafol mo appointmen blong 2 niu minista we praem minista Charlot Salwai, hemi mekem long yestede moning, hemi distebem mosen blong opposition. Iven risafol mo appointmen i distebem mosen be opposition ino sakem tawel. Opposition i bin stap kontakem ol MP blong gavman blong sapotem mosen blong hem igo kasem taem we bel hemi ring blong oli save go insaed long palaman blong dibetem mosen.

    Wan memba blong palaman blong gavman saed, hemi talem se yestede long tina, opposition, hemi bin ringim hem blong go long Ramada Hotel be taem we hemi kasem hotel, hemi fainem se opoosition ino kat namba. Long ol risen blong mosen we 9 MP blong opposition, oli saenem mo oli dipositim long palaman, ikat 2 ples we i tokbaut BACKBENCHERS. 
    Fes risen, hemi talem se " the signing of PACER PLUS against the will of BACKBENCHERS" mo namba 3 risen blong mosen blong Ishmael Kalsakau hemi talem olsem " The failure of the government to implement the decentralization policy supported by majority of the MEMBERS OF PARLIAMENT". Sapos opposition, hemi talem tru tok tok bae yestede bae majoriti of the members of parliament we hemi stap kleim, oli sapos blong sapotem mosen be ino kat. Yestede, ikat 4 MP nomo we oli bin stap sidaon long gavman saed long olgeta de we i pas, oli go joenem opposition. Olgeta ia, ikat tufala MP blong Ambae, Jay Ngwele mo Alickson Vira, MP blong Embrym, Albert William mo MP blong Port Vila, Kalo Seule. Yestede ino kat majoriti blong palaman igo long opposition saed. Olgeta 4 yia nomo, oli go.  Hemia i save minim se opposition ino talem tru toktok taem we hemi mensenem ol " BACKBENCHERS mo MAJORITY OF THE MEMBERS OF PARLIAMENT" long mosen blong hem.  Hemi save hapen tu olsem se 4 MP we oli go joenem opposition long yestede, oli trapem 5 MP blong opposition se oli kat sapot blong gavman MP.
    Yestede afta we mosen, hemi difit, sam gavman MP i talem se opposition, hemi bin stap kontaktem olgeta blong joenem opposition be ansa we oli givim long opposition se oli stap long gavman finis. Bae oli no save lego wan gavman blong go bak bagegen long nara gavman.
    Wan long olgeta gavman MP  ia, hemi talem autsaed long palaman se hemi taem naoia blong lukluk bagegen long lidaship blong opposition afta we hemi felem blong nara taem bagegen mosen blong no gat tras agensem Praem Minista Charlot Salwai. Hemi givim wan exampol long kompetisen blong wol kap se taem we wan national tim lusum wol kap, oli jenisim coach blong olgeta.

    Yestede, koalisen gavman blong Praem Minista Charlot Salwai hemi soem bagegen long lida blong opposition, Ishmael Kalsakau mo deputi blong hem, Fred Tasso, MP blong Paama se gavman i stil komandem klia majoriti blong 52 memba blong palaman taem we hemi difitim motion blong no gat tras long 37 vot. Opposition hemi bin kat nomo 13 vot. Opposition ino bin kat namba finis be presentesen o tok tok we Mr Kalsakau, hemi mekem ova long mosen blong hem bifo spika blong palaman, hemi putum long vot, hemi no konvinsim ol gavman MP blong oli sapotem mosen.
    Fesli komposisen blong opposition naoia, hemi mekem se ol gavman MP ino wandem sapotem mosen. Ikat 13 MP we oli stap long opposition yestede. Sapos mosen i bin pas, ol 13 MP bae oli wandem holem ministri be ikat 13 ministri nomo tede unless bae oli go long gavman mo leftemap namba blong ol ministri be bae hemi kontradiktim toktok blong opposition naoia about spending blong pablik mani. Sapos evri 13 MP we oli stap naoia long opposition, oli kam minista afta olsem wanem bae oli akomodetem ol nara 14 MP we bae oli go joenem olgeta. Ol MP olsem MP blong Ambae Jay Ngwele ino save stap backbencha sapos no hemi ronwe long nekis de. Mr Ngwele, hemi bin bin backbencha finis long koalisen gavman mo iven, hemi bin kam spesel envoe blong klaemet change be still, hemi ronway igo long opposition long ting ting blong hemi kam minista sapos gavman, hemi jenis yestede. Komposition blong opposition naoia, hemi no prediktim wan fiutsa steibol, wan transparent mo wan accountable gavman. Long tok tok blong Mr Kalsakau ova long mosen blong hem yestede aftenun, hemi no transparent. Mr Kalsakau, hemi agensem PACER PLUS be hemi no provaidem wan solusen blong ova long 4 000 pipol woman mo man Vanuatu we oli stap wok naoia long Australia mo New Zealand. Sapos, oli nomo save go bak long New Zealand mo Australia, opposition ino talem wea ples nao, bae oli fainem wok long hem long Vanuatu. Long saed blong Income Tax, Mr Kalsakau i agensem tru long mosen blong hem be hemi no talemaut ol nara way we hemi ting se sapos hemi go long gavman, bae hemi mekem mani long hem. Yestede long palaman, Mr Kalsakau i talem nomo se hemi biliv se ikat ol nara way blong mekem mani be hemi fail blong talemaut wanem nao ol way ia o ol rod ia. Ol risen blong mosen ia, ino bin kat propa investigesen o search long olgeta bifo opposition, hemi save dipositim long palaman. Namba 6 risen, hemi akiusim praem minista se hemi no save rikaverem kaon we gavman, hemi kat we hemi ova long 4 bilien vatu. Sapos opposition i mekem gud research blong hem, bae hemi fainem se kaon we istap naoia, hemi just ova wan bilien vatu mo gavman blong tede istat kolektem finis. Praem Minista Salwai i talem se kaon ia, hemi no blong gavman we hemi lidim tede. Hemi talem se kaon ia, hemi stat finis long taem we Mr Sato Kilman, hemi bin praem minista. Mr Kilman tu we hemi memba blong opposition naoia, hemi saenem mosen. Mr Salwai i talem se ol six risen blong mosen agensem hem, oli no hevi inaf be opposition, hemi wandem mekem se olgeta we oli pua bae oli stap pua oltaem mo olgeta we oli rich bae oli gohet blong kam rich.

    Praem minista Charlot Salwai Tabimasmas i transferem president blong graon mo jastis party Ralph Rengenvanu long ministry blong lands i kam niu minista blong forein affea.

    Mr Salwai hemi also transferem wan nata GJP Mp Alfred Maho long ministry blong internal afea blong kam niu minista blong land.

    PM i also appointem Mp blong Malekula Gracia Shedrack blong lidas party olsem niu minista blong helth. Mr Shedrack hemi replacem wan anoter MP blong Malekula Jerome Ludvaune. Mr  Salwai hemi also apointem GJP MP blong Tanna, Andre Napuat olsem niu minister blong internal afea long morning ia. Mr napuat hemi replacem Mr Maho wei hemi transferem i ko long minitry blong land. folem reshuffle ia mo appointment blong morning ia, Mr Napuat mo Mr Shedrack tufala i kam nui minista, Mr Leigkone mo Mr Ludvaune tufala i nomo steit minista.

     

    Praem Minsita Salwai hemi discraebem dicisen wei Mr Leigkone mo Mr Ludvaune sei hemi honorable. Mr Salwai hemi aknoledgem ajivmen wei Mr Leigkone mo Mr Ludvaune oli mekem during long term olsem steit minista. 

    Praem minista Charlot Salwai, hemi kongratuletem MP blong Malekula Jerome Ludvaune mo MP blong Embrym Bruno Leingkone blong tufala i save sarendarem position blong tufala olsem minista blong health mo minista blong foreign afea. Mr Salwai i talem se desisen we tufala i tekem, hemi wan honorabol desisen blong step daon olsem minista blong lego ples igo Gracia Shedrack mo Andrew Napuat blong tufala ikam niu steit minista.

    Mr Salwai i talem se long taem we Mr Ludvaune, hemi minista blong health, hemi mekem plande wok olsem straktsa blong health mo mekem se ol man blong health i save kasem salari blong olgeta.
    Praem Minista, hemi kongratuletem tu, Mr Leingkone long wok we hemi mekem taem we hemi minista blong foreign afea olsem niu ambasi blong Vanuatu long New Zealand mo ol niu diplomatik misen blong oli openem doa blong olgeta long Vanuatu.
     

    Offcanvas