Presiden Tommy E. Remengesau Jr mo delegasen oli travel i ko long Malta blong atendem konference blong "Our Ocean " we European Union i hostem stat long 5 oktoba kasem 6 oktoba 2017. Ol konference oli attractem ova long taousen participan i includum ol participan blong hae level blong kavman, ol pravet secta mo ol non kavman organasiasen. Ol fes anual konference we sekretery blong Unaeted State, Jhon Kerry long 2014. Ol konference we i folem i takem place long Valporaiso, Chilie mo long US , long Malte. Presiden Remengsau, minista Umich Sangebau mo ambasada Uludong oli able blong atendem fulap ae level even, ol bilateral miting, panel mo katering i includum miting wetem HSH, Prince Albert II blong Monaco mo foma sekretary Kerry. Wan long ol ae laet blong iven ia se komitmen blong European Union i kontribute long 1 Million Euro long Palau we i ko toward El Nino climate mo draout mitigasen. Among long oldistingued presenta long konference ia i inludum roal haeness Prince Charles blong England, Dr Sylvia Earlie, mo E.U koùosiona blong environmen mo maritime afeamo fisherise Karmenu Vella. Konference blong "Our Ocean " hemi blong shoem stet blong wol Ocean mo provaedem wan platform blong kavman mo pravet secta, non kavman mo civil sosaety organesasen blong mekem anouncemen mo komitmen i ko futha long protecksen blong Ocean. Tufala next kaontri blong hostem konference blong "Our Ocean " bai hemi Indonesia long 2018 mo Norway long 2019. Blong hostem prestigious iven ia hemi olsem wan monumen wei oli undatakem we i involvem thaousen pipol. During long klosing blong planary sessen blong miting, president Remengsau mo full delegasen blong Palau oli praoud blong anouncem se Palau olisaksefuly sekurum hosting blong konference blong " Our ocean " long 2020. Ol participan blong konference blong Our Ocean long Malte oli anouncem naen billion dollars long pablik-praevet patnaship mo Pacifik aelan oli ricivim 45 millions USD blong sapotem sastainable fisherise mo sapot blong claemate jens. Presiden Remengsau i talem se " anouncemen we Palau i mekem blong hostem konference blong "Our Ocean " long 2020 hemi truly wan great hona we mifala i acceptem. Mifala i akceptem hona long bihalf blong every family blong Pacifik mo bae mifala i rijim aot long every pacifik aelan kaontri blong joenem Palau long bigfala efot blong hem. Palau hemi plan blong wok klose wetem ofis blong Pacifik Ocean mo engage blong full Pacifik Kommunity wetem kavman, Pravet secta mo non kavman pata long planing mo logistic blong hostem iven ia long statemen long taem blong konference, presiden Remengsau i talem se "yumi stap konfiden se Pacifik bai hemi wan worthy host olsem pretigiouse gathering mo wan wan long ol participan bai oli able blong luk issu blong ocean we pacifik perspective mo hopfuly i tekem riniu sense long wanem nao yumi faet from blong protectem. Ol participan mo ol dona patna blong konference blong Malta i kivim jens blong anouncem ova naen billions dollars long pablik-praevet partneship sapot blong Ocean mo pacifik ocean nao bai i ricivim 45 millions USD long sapot blong sastainable fisherise mo issue blong klamate jense.
Select your language
Long manis blong Septemba, volkeno blong Ambae I stat blong wake ap mo VMGD oli rasem alert blong level blong Volkeno I ko long level 3. Hemi no rely klia long hao irapsen I divilop, volcano hemi I ko long phase blong explosive, I bildim wan taf kon long lak. Some long ol big iven ia I generatem ol tal irupsen colum long aelan mo local ash we bai I foldaon. Hemi wan aktiviti we I no expected, base long historical aktiviti we oli luk long volkeno. Ol irapsen blong mid septemba 2017 hemi semak long hemia long 2005. Same kind blong irapsen ia oli observem vinis long 2005. Some pat blong aelan oli experiencem ol ash we I foldaon olsem same irapsen ia. Some style blong irapsen be I bin change long 22 septemba taem we ol staff blong Geohazard oli observem lava long surface blong fes taem. Hemi I wan impotant jens mo i kat incertitude blong raised ap abaiot divilopmen blong irapsen. So alert blong level blong volkano oli tekem long same taem. Implikasen blong lava we I stap long surface I no kila. Ol falet we oli mekem observasen long saturdei 30 septemba mo sandei 1 octoba oli some se aktiviti blong volkano I apen nomo long wan summit crater lakes ( Lake Voui). Ol photography mo ol thermal infrared image we oli tekem during long observasen flaet I some se aktiviti I consist long explosen mo injecsen blong hot stone, we bai I semak long same experiense long Yasur volkeno long Tanna. Lokal populasen oli arem some explosen mo luk laet long hill long same taem. Satellite data mo ol observasen flaet ol confirmem se nao se I kat some smol lava I flows long niu volkeno aelan, hemi kasem lake. I kat wan smol scoria kon long aelan mo naba blong iven bai I save jenis daily. Long trifala dei we I pass, hem blong putum aot ol data blong tu seimic blong Ambae mo long wan web kamera (http://www.vmgd.gov.vu/vmgd/index.php/geohazards/volcano) . Ol data ol transmited 24 haoa long wan dei. Aktiviti blong seimic hemi riflectem niu movemen blong lava tru long volkeno and reckting blong lava mo I mix wetem geothermal system ( wan smol incrise). Data blong seismic hemi no soem big mo big incrise blong aktiviti blong volkeno blong Ambae. Ol scientific blong VMGD bai oli monitarem aktiviti ia closap taem we oli stap long Port Vila, tru long instrument we oli stap long Ambae mo long ol aelan we I nid blong usum. Volkeno blong Ambae hei wan bigfala volkeno mo hemi frequenly active. Long ricord blong histri , I bin kat fulap eraspsen, every 10-50 yia mi I kat similar explosive aktiviti every 100 to 150 yia. Every wan I kam long samit krata, oli expectem long wan ricord blong 1670 we lava I flow I occurred colosap long Ndui Ndui vilij. Karen irapsen ia I fokas long samit krata, I no kat indicasen blong aktiviti long diferen place long aelan blong Ambae. I kat wan nuifala observasen long 30 septemba mo long 1st octoba I confirmem se situasen bai I no divilop more. Olsem naoia activity I fokas nomo long nuifala aelan blong lake voui. Possibility blong bigfala iraspsen bai I save affectem ful aelan mo naoia I luk les laek. VMGD bai I kontinu blong provaedem apdei long pablik mo kavman long situasen envolve.
Tri plane blong Australian royal air force C -17 oli arrive long Vanuatu tudei mo tumoro ( 3-4 octoba) we oli karem ol equipemen mo humanitarian saplae i includim ol tent ol kitchin kit blong help ol pipol we Volkeno blong Ambae i diplacem olgeta.
OL C-17 bai i kerem tu wan helicopta blong Royal Australian Navy MRH- 90 we bai i help blong deliverem ol saplae, pipol mo equipmen long evacuatem centa mo komuniti i ko long Santo; Penticost mo Maewo.
Australian Hae Komisiona Jenny Da Rin i talem se " Australia hemi komitim hem blong sapotem Vanuatu Gavman long rispon blong hem long volkeno blong Ambae"
" Ol aset blong Australia military we Gavman blong Vanuatu i riquestem mo bai mifala i wok folem daerecsen blong Vanuatu Provincial mo Nasonal Gavman blong ensurum se aid blong mifala i kasem long ol ples we oli mos nidim".
" HMAS choules mo plane C-17 mo wetem wan amaon blong 250 000 australian dola we Australia hemi put i stap blong sapotem ol komuniti we oli afected" Jenny Da Rin i talem.
Gavman blong Australia tugeta wetem patna blong hem FRANZ, Niu Zealand mo Franis, Gavman blong Vanuatu i risquest from help blong olgeta wetem reliefs efot. Australia bai i kontinu blong sapotem lidaship blong Gavman blong Vanuatu blong rispond long humanitarism craeses.
Praem Minista Charlot Salwai mo Ambasada blong People's Republic of China, Liu Quan tufala I saenem yestede, 30 Okis 2017, wan moa grant we hemi bitim 3 bilion vatu, blong faenans em konstraksen blong niu residens blong Presiden blong Ripablik blong Vanuatu, niu bilding blong Ministri blong Faenans mo extensen blong Ministri blong Foren Afea.
Konstraksen wok bambae i stat long en blong tenda proses. Niu bilding blong presiden bambae oli bildim long Joen Kot eria long ples we fes Hed of Steit, Ati Georges Sokomanu hemi bin liv long hem. Bilding blongFaenans we hemi Gavman Bilding hemi bin damej long taem blong Saeklon Pam long 2015.
Plante long ol bilding we Gavman i stap yusum nao ia oli bin bildim long taem blong Kondominium Gavman. Trifala niu projek ia oli no ol niu projek we Jaenis Gavman hemi fandem anda long Jaenis Grant. Folem strong rilesen sip we Vanuatu i gat wetem China, kantri ia hemi bin givim ol grant blong bildim Emalus Campus, Nasonal Konvensen Senta, niu PMO mo niu Korman Stadium blong hostem rijenal mini-gems long en blong yia ia. Narafala bigfala projek we China hemi fandem hemi Malapoa College we lukluk i stap blong komplitim long nekis yia
Praem Minista Charlot Salwai i talem se Council blong ol Minista, COM, hemi disaed long miting blong hem long tede, 28 Septemba blong aplaem COMPOLSORY EVACUATION blong ova 11 000 pipol. Mr Salwai i talem se gavman i disaed blong mekem kompolsori evakuesen ia blong soem se gavman ikat konsen long laif blong ol pipol. Praem Minista i talem se laif blong pipol hemi moa impoten long materiol ting. Mr Salwai i talem se hemi save se bae pipol blong Ambae bae oli no wandem lego aelan blong olgeta, ples we oli bon long hem wetem ol karen mo haus blong olgeta be oli mas ting ting hevi long laif blong olgeta. Hemi talem se pipol i save mekem karen bagegen be pipol ino save mekem man o woman i laif bagegen. Praem Minista i talem se gavman i sendem finis ol polis ofisa blong sekurim ol properti blong pipol blong Ambae taem we oli no stap. Long desisen blong COM long mande, COM i disaed tu blong apil long olgeta komuniti lida olsem ol tsif, ol jioj lida mo ol woman lida blong oli tok tok long ol pipol blong olgeta blong respektem ol properti blong ol nara pipol.
China Civil Engineering Construction Corporation, we olgeta nao oli ol kontrakta blong VAIP projek,oli wantem asurim ol man se i no gat eni nogud tingting bihaen long disisen blong karem ol agregets (ol ston we oli krashem olgeta) i kam long Vanuatu long wan sip we i ankai stap naoia aotsaed long Mele Bay. Folem ol konsen we oli reis, we istret nomo folem olgeta strik loa we i stap long saed blong ol kaen material olsem, mifala i wantem asurim ol man se mifala i oflodem nomo olgeta ekuipmen we hemi blong yusum long ol wok blong eapot. Bambae mifala i no oflodemo lgeta agreget ia, be bambae mifala i sipim olgeta i go blong yusum long ol projek blong mifala long Afrika. Hemia ao hemi wanem we mifala i bin plan blong mekem long fes ples. Nomata long wanem ol man oli stap bilivim folem ol nogud ripot we i kamaot long media long ol dei we i pas, CCECC hemi wantem talem stret se mifalai bin konsaltem olgeta long biosekiuriti mo ol narafala releve notoriti long saed long sipmen ia. Hemi no tru se kampani hemi no askem pemisen from impotesenia, mo mifala i neva bin ignorem o avoidem ol releven loa blong Vanuatu. Be, ol agreget ia oli sevem wan ki pepos long sipmenia. From we sip i karem plante hevi masineri mo ekuipmen we oli no save putum i go daon long tamblo, hemi impoten blong karem ol agreget ia blong i balansem sip mo blong mekem se sip istebol, taem we hemi stap travel tru long ol raf solwora long rod blong hem aot long China i kam long Vanuatu. Maet sam narafala sip bambae oli yusum ol weit (ballast),samtaem hemi wota mo fuel or narafala kago. Long taem bifo, ol sip oli stap yusum ol bigfala ston blong riva. Hemi impoten blong notem poen ia se ol agreget we oli stap long sip ia, oli bin tritim olgeta long wan strik fasin anda long inspeksen blong China Entry-Exit Inspection and Quarantine, i no olsem ol ripot long media se oli no bin tritim ol material ia.Olsem Kontrakta, CCECC bambae hemi tekem ful risponsibilti long sipmen blong ol material ia aot long kantri. CCECC hemi wan kampani we oli save gud long hem raon long wol. Mifala i gat ol bisnis long 76 kantri raon long wol. Long namba 6 Okis 2017, tu projek we CCECC hemi operetem tufala i bin risivim awod blong “Global Best Project of 2017” long ENR (Engineering News Record). Kampani i ai gat wan gudfala reputesen long saed blong prodiusum ol kwaliti wok mo tu from we hemi wan gudfala koporet sitisen. Mifala i wantem asurim ol pipol blong Vanuatu se mifala i no mekem eni samting we i rong o i no stret. Projek hemi stap go hed folem skedul mo kampani hemi biliv se hemi save deliva bigfala impoten projek ia long ol pipol mo Gavman blong Vanuatu long stret taem folem skedul we i stap mo long level we i kasem ol intenasonal standad we i hae olgeta.
Ofis blong Minister blong Health i stap mekem klarifikesen ia folem toktok we leader blong opposition i bin mekem folem issue ia.
White double cabin trak ia i mekem ol klinikal work blong North West Malekula.
I kat wan health komiti long Unmet health Center wetem nurse in-charge we i lukaotem use blong trak ia mo ofis bloing Minister i no risivim eni infomesen konsenem misuse blong trak long komiti ia olsem we opposition i klem tru long ofis blong leader blong oposisen.
Ministry blong Health i kat wan management strakja mo system tru long ol health komitis blong lukaotem evri vehicle we i stap long ol health centers long Vanuatu mo ministry i stap komuniket wetem olketa long evri issue blong ol trak ia . Minister tru long offis blong hem emi no aware long misuse blong trak ia blong mekem transport service olsem leader blong opposition i klemem.
Health Komiti blong Unmet Health Center mo nurse in-charge i no glad long toktok blong leader blong opposition from i no kat consultesen long olketa blong karem saet storian blong olketa mo konfemesen bifo ofis blong oposisen i mekem press release ia.
Trak emi konteniu blong stap olsem wan kavman property blong servem ol pipol blong North West Malekula.
PORT VILA, VANUATU (29 Okis 2017) –Ofisol opening blong wan niu tritmen fasiliti hemi bin tekem ples tete. Minista blong Infrastrakja Jotham Napat nao hemi openem fasiliti ia wetem Australian High Commissioner Jenny Da Rin, Port Vila Lord Mayo Ulrich Sumptom mo diarekta blong Asian Development Bank (ADB) Emma Veve. Tritmen fasiliti ia Gavmanblong Vanuatu mo Australia nao tufala I fandem, wetem $5 milianlon from ADB tru long Port Vila Urban Development Project (PVUDP). Tritmen fasiliti ia bambae hemi impruvum olgeta wota wei blong Port Vila mo bambae hemi givhan tu long helt blong olgeta pipol long Port Vila mo olgeta komuniti raon long hem. Niufala tritmen fasiliti ia hemi stap long Bouffa mo bambae hemi impruvum nao fasin blong manejem toti blong toilet. 8 lokol wokman oli bin bildimap tu pul blong olgeta toti wota ova long 12 manis. Tritmen fasiliti ia oli disaenem long wan wei we hemi mekem se hemi simpol mo jip blong ranem/opereitem. Australian High Commissioner Ms Din Rin hemi talem se ‘PVUDP hemi stap jenisim Port Vila, hemi impruvum laef blong fulap man, hemi mekem se olgeta rod oli sef, mo naoia wetem niufala tritmen fasiliti ia hemi impruvum nao helt blong olgeta we oli liv long Port Vila taem we hemi stap impruvum envaronmen mo olgeta wotwei blong taon.” Minista blong Infrastrakja Mr Jotham Napat, we tufala naoi tekem pat blong openem niu fasiliti ia I talem se “Gavman I luk save se wetem
hae namba blong populeisen naoia, I gat nid blong gat olgeta stret fasin blong karemaot toti mo tu i mas gat olgeta stret manejmen sistem blong mekem se yumi save go hed blong meintenem gud natural envaronmen blong yumi mo sem taem stap olsem wan taon we hemi klin mo helti. Blong ajivim hemia, hemi no isi. Tangkiu long yufala olgeta patna we tru long yufala nao yumi save gat wan kaen tritmen fasiliti olsem ia mo hemia hemi wan narafala step long divelopmen”
Ms Veve, wan long olgeta daerekta long ADB PasifikDipatmen I talem se ‘Fasiliti ia bambae hemi mekem se I gat wan sef mo stret fasin blong handelem mo
sakem olgeta toti blong toilet. Fasiliti ia hemi givhan tu long saed blong helt mo saniteisen wok we PVUDP hemi stap mekem olsem olgeta saniteisen fasilitli long olgeta komuniti mo olgeta polisi blong manejem toti blong toilet mo olgeta reguleisen we bambae oli givhan long laef blong olgeta we oli stap long Port Vila mop les kolosap.’ Fasiliti ia blong manejem olgeta toti blong toilet hemi pat long olgeta bigfala projek blong infrastrakja long Vanuatu we Port Vila Urban Development Project hemi stap karemaot. Wok blong opereitem fasiliti bambae hemi stat long 1 Septemba 2017.