Long visit blong Praem Minista Charlot Salwai blong talem tankiu long olgeta chief mo pipol blong Sanma, Luganville munisipol kansel, Pentecoct mo Maewo, ol chief blong Not Pentecost, oli givim tu wan kastom nem blong hem blong talem tankiu long gavman blong tede blong hemi save tingbaut mo tekem kea long ol famili blong Ambae.
    Bifo Mr Salwai, hemi mekem kastom blong talem tankiu igo long olgeta chief mo pipol blong Not Pentecost, ol chief oli bin mekem, hemi kilim wan pig we tut blong hem i fas long stamba blong namwele mo givim nem blong Viraliuliu long hem.
    OL chief blong Not Pentecost, oli talem tankiu long gavman blong hemi save tingbaut ol pipol blong Ambae.
     
     
    Zone contenant les pièces jointes
     
     
     
     
     

    Yestede MV Aganda i kasem Lolopuepue wetem ol fes famili blong Ambae blong go bak long home. Hemia hemi ol fes famili blong go bak home afta long evacuesen. Oli bin lego Samansen wof long yestede moning mo oli kasem Lolopuepue long yestede aftenun.
    Olgeta ia we oli fes kasem Ambae long yestede, hemi stat long Nangire igo kasem Lolopuepue. Lolopuepue i wan long port we oli tsusum blong dropem ol famili blong Ambae. NDMO, hemi ripotem se hemia long yestede, hemi stat blong rapatriesen afta long evacuation. Afta hemia long yestede, tede igo i shut kat moa ship i dropem bak ova long 11 000 pipol blong Ambae long home blong olgeta. Long satede finis, ship hemi bin dropem ol wokman blong gavman blong oli save supavaisem araevol blong ol famili blong Ambae long home blong olgeta. Long wof long Luganville, ikat supevisen tu blong evri famili we oli stap depatt blong go bak home. Oli listim evri nem blong olgeta mo man ino save klaem long ship taem we oli no kolem nem blong hem. Evri man, woman mo pikinini, oli stap long list mo oli kolem wan-bae-wan bifo, hemi klaem long ship, Hemia blong mekem sua se oli no fogetem wan man o woman mo oli no sendem wan pikinini igo long difren ples long papa mo mama blong hem. NDMO long Luganville i ripotem se bifo ship i dropem ol famili blong Ambae bak home, oli putum finis ol kakae long ples blong olgeta.
    Long taem blong visit blong praem minista Charlot Salwai igo long Santo, Pentecost mo Maewo, hemi asurem ol famili blong Ambae se rapatriesen blong olgeta bae hemi wan supavaes rapatriesen avoedem komplen.

    Hae chief blong Maewo, RASA-URE, hemi serem wota blong ae blong hem long foret blong delegesen blong praem minista, Charlot Salwai long las satede long Kerebay afta we just ova long 300 pipol blong Ambae nomo, oli so long olgeta folem inkris blong aktivi blong volkeno, Manaro. RASA-URE hemi kestenem Mr Salwai se wehem ova long 3 000 pipol blong Ambae we gavman i bin talem se bae hemi sendem olgeta igo long Maewo. Hae chief ia, hemi talem se bifo gavman, hemi luk luk igo long ol nara aelan, Maewo mo Pentecost olsem papa mo mama folem kastom blong trifala aelan ia, tufala i redi blong hausem ova long 11 000 pikinini blong tufala. RASA-URE i talem se hemi harem nogud taem we gavman hemi promesem hae namba mo pipol blong hem, oli redi be smol nomo oli so. Hemi talem se nekis taem bae gavman, hemi nomo mekem olsem. Hemi talem se folem kastom blong Penama, hemi soem rod we oli pikinini blong Tagaro, oli bin aut long hem long Maewo blong oli go stap long Ambae. Hemi talem se long kaen situation olsem famili valiu mo koneksen, hemi very impotem. Hemi talem tankiu long olgeta chief mo pipol blong Santo blong oli save akseptem ol pikinini blong Tagaro igo long nasara blong olgeta. Hemi talem se papa we hemi aelan blong Maewo, hemi kat bigfala speis o bigfala graon istap blong hemi save risivim evri pipol blong Ambae.
    Praem minista Salwai i talem sori long RASA-URE long wanem we hemi hapen. Mr Salwai i talem se desisen blong gavman, hemi blong luk luk festaem long Maewo mo Pentecost blong tufala i save hausem ol famili blong Ambae bifo, hemi save luk luk igo long nara aelan o nara provins. Presiden blong Penama provins we hemi bin stap tu long delegesen blong praem minista, Alban Garae, hem tu, hemi sori long ol chief mo pipol blong Ambae long wanem we hemi hapen.

     

    Foma presiden blong Malvatumauri National Kansel blong ol tsif mo hae tsif blong Not Pentecost, tsif Paul Tahi, hemi talem se bae hemi wan sad moment blong pipol blong hem oli lego bagegen ol pipol blong Ambae igo bak long hom blong olgeta. Tsif Tahi i talem se ol famili blong Ambae we oli bin go long Pentecost, oli bin folem laen blong olgeta. Hemi talem se hemi bae-mistek we ol famili ia oli go long Pentecost. Tsif Tahi i talem se stret nomo blong oli resis igo long mama blong olgeta taem we oli stap long problem. Long kastom storian blong Pentecost, Ambae mo Maewo, aelan blong Maewo, hemi papa, Pentecost, hemi mama mo Ambae, hemi pikinini. Tsif Tahi i talem se long sot taem we ol pikinini istap wetem mama blong olgeta, oli bin lanem mo serem  plande samting mo bae hemi no isi blong lego olgeta. Hemi talem se bae oli no wandem lukim olgeta i lego mama blong olgeta. Hemi talem se sapos situesen, hemi bin go nogud, mama i redi blong givim speis long pikinini blong hem. Tsif Tahi, hemi talem tankiu long gavman long asistens we hemi bin givim long ol famili blong Not Pentecost blong oli save lukautem ol famili blong Ambae.
     

    Introduction

     Gud morning long yufala everiwan.

    Tudei hemi wan special day blong yumi everiwan ikam blong witnessem commissioning blong wan respected Ni Vanuatu blong go tekem ap office blong yumi long Fiji.

    Hemi wan special time blong ol families mo friends blong High Commissioner  (H.C) Mr Nikenike Vurobaravu.

     Mi save se hemi no wan festaem blong H.C hemi go tru long tis kaen impoten ceremony olsem ia.

     Hemi wan former H.C blong Vanuatu long Fiji long sam years ipas finis.

    Impoten points blong passem iko long niufala H.C

    Mr Nikenike Vurobaravu yu yu wan very well educated individual mo yu bin serve long Gavman fulap yias ipas finis

     Yu bin involve long political decision making blong Neson ia fulap yia ipas finis.

     Yu bin spearheadem Comprehensive Reform Program long 1997/1998 blong Neson ia hemi tekem bak growth blong economy tru long strong political direction blong gavman long time ia.

    Yu bin served olsem wan taem High Commissioner blong Vanuatu iko long Fiji sam yias ipass.

    Yu gat fulap wealth of knowledge mo save gud fashen blong wok  mo way blong life blong yumi ol man ples.

    Mi belief se Gavman hemi mekem right choice blong appointem yu kam olsem niufala High Commissioner blong Vanuatu iko long Fiji.

    Toktok blong Mi olsem President blong Republic blong Vanuatu

    Tudei mi stap commissionem yu blong go representem Vanuatu overseas olsem High Commissioner Blong Vanuatu long Fiji

     Taem yu stap long Fiji, yu representem Vanuatu Gavman mo yu assumem fulap wan duties mo responsibilities blong yu olsem Ambassador blong yumi long Fiji

    Mi stap mekem kol ikam long yu blong continue blong maintainem gudfala diplomatic relationship bitwin Vanuatu mo Fiji

    Explorem opportunities blong strengthen existing relationship blong mekem sua se tufala Kaontris oli benefit long hem oltaem istap kam.

     Mi mo people blong Vanuatu mifala stap behind long yu long service we yu stap renderem ikam long people blong Vanuatu

    Mi finally, mi wishem yu mo gud families blong wan successful mission long Fiji mo bambae power blong tapu spirit istap wetem yu long impoten mission ia.  

    Conclusion

    Tankiu tumas Gavman tru long Hon Minister blong Foreign Affairs blong appointem wan respected man blong tekem ap tis high position long Fiji.

     Tankiu ol families mo friends long support blong yufala iko long Niufala H.C blong yumi iko long Fiji

    Tankiu long ol staff blong Foreign Affairs mo State Office blong jointly organisem tis impoten event.

     Bambae Papa God hemi blessem yumi everiwan

    Tankiu tumas

     
     
     
     
     
     
     
     

    Nomata wei delegesen blong West Papua hemi kam let tede long namba 14 rijenol miting blong ACP-EU, olgeta memba kaontri oli agri blong resem isiu long saed blong olgeta no gud fasin long saed blong human right wei I stap hapen long West Papua. Olgeta memba kaontri olgeta I stanap strong se nomata wei West Papua hemi no memba blong ACP, hemi wan kaontri blong Pasifik.

    Memba blong Palemen blong konstituensi blong Santo, Marco Mahe, hemi talem se olgeta kaontri blong ACP olgeta I agri blong tokbaot fasin blong brekem human right wei I stap happen long West Papua long wan seperet miting bifo ofisol opening blong Joint Parliamentary Assembly (ACP – EU). Hemi talem se hemi wan isiu wei hemi had blong akseptem mo delegesen blong Vanuatu I agri se bae Lida blong oposisen, Ishmael Kalsakau, nao bambae hemi ripresentem olgeta mo givim toktok long fored blong Assembly. Tede long moning, I gat tu seperet miting bifo Presiden blong Ripablik blong Vanuatu, Pasta John Tallis Obed, hemi mekem ofisol opening. Co-Presiden blong ACP-EU Joint Parliamentary Assembly mo ACP Parliamentary Assembly, Ibrahim R. Bundu nao hemi jearem miting ia. Mote Octavianusnao hemi ripresentem West Papua.

     

     

    Kansel blong Minista, hemi disaed tede naet 19 Oktoba 2017 long taem blong miting blong hem se ova long 11 000 pipol blong Ambae we gavman i bin evakuetem olgeta igo long Santo, Pentecost mo Maewo blong oli save go bak long aelan blong olgeta. Hemi agri tu blong extendem state of emmergency stat long tumoro, 20 oktoba blong fasiliteitem rapatriesen. Rapatriesen, hemi save stat afta long kasto, seremoni blong 20 oktoba igo be bae hemi dipen long logistik plan blong NDMO.
    Gavman bae hemi luk luk long rod blong olgeta igo bak long aelan mo vilej blong olgeta. Praem minista Charlot Salwai bae hemi lidim wan hae delegesen igo long Santo, Pentecost mo Ambae stat long tumoro blong hemi mekem wan kastom blong talem tankiu long olgeta chief mo pipol blong trifala aelan ia blong oli save lukautem gud ol famili blong Ambae.
    NDMO, hemi putum in ples finis program mo plan blong rapatrietem bak ol famili blong Ambae igo bak long ples blong olgeta.

    PM Charlot Salwai hemi presem Church of Melanesia long kontrbusen blong hem long developmen mo fasin blong holemtaet spiritual laef long Vanuatu tede. Mr Salwai i talem se Church of Melanesia olsem ol nara church we oli stap long Vanuatu, oli kontribiut bigwan long prea blong olgeta blong mekem se i save pis mo uniti oltaem long kantri. Hemi kongratuletem Church of Melanesia long Vanuatu blong oli save hostem long end blong yia ia fes eva sinod blong church. Long taem ia long las sande PM Salwai hemi kontribiut blong ol memba blong church oli save resem ova long 1.3 milliion vatu blong hostem miting ia.
    Minista blong Climate Change, Ham Lini Vanuroroa, hemi bin kam putum mani donesen blong hem long taem.
    Ova long 1.3 million vatu ia, oli memba blong church, oli bin maneij blong oli save resem bitwin 2 kasem 5 klok nomo long las sande aftenun long Fresh Water skul.
    Gavman Website, hemi andastanem se fand resing blong las sande, hemi las fand resing blong hostem sinod ia. Total mani we oli resem kasem las sande. hemi ova long 4 million vatu.

    Praem minista, Charlot Salwai Tabimasmas bae hemi lidim wan impoten delegesen wei insaed long hem I gat, Presiden blong Ripablik blong Vanuatu, Minista blong Climate Change, Minista blong Intenol Afea, olgeta Mp blong Ambae, Presiden blong Penama Province, Daerekta Jenerol blong Ministri blong Climate Change, Presiden blong Malvatumauri mo olgeta ripresentativ, Daerekta blong NDMO, Akting Daerekta blong VMGD, Polis Komisina, Akting Polis Komisina mo olgeta narafala ofisel, long wan visit long Santo, Pentecost mo Maewo.

    Bambae delegesen ia hemi talem tok tankio, long nem blong Gavman, I go long olgeta komiuniti long olgeta tri aelan ia blong save akseptem blong welkamem mo lukaotem olgeta pipol wei olgeta i bin evakuetem olgeta long aelan blong Ambae. Bae I gat wan impoten kastom seremoni wei Gavman mo olgeta pipol blong Ambae mo host aelan bae I pat long hem mo hemia bae hemi olsem saen blong olgeta pipol I go back long aelan blong Ambae

    Praem Minista Charlot Salwai i talem se komen  we forma praem minista mo karen memba blong paliamen blong konstituency blong Malekula  i mekem long radio Niu Zealand intanasonal i no tru. Mr Salwai i talem se hemi no save long ol akusasen we Mr Kilman i mekem we i talem se Vanuatu bai hemi no  fea long forein policy blong hem. H²emi talem se kasem naoia Kavman blong hem i maintainem polisi blong Vanuatu long idipenden blong West Papua, Nui Kaledonia, Bougainville, mo tu long Western sahara.  Mr Salwai i talem se kavman blong hem bai i maintenem forin polisi ia long decolonisation blong ol kaontri we oli stil colonise by ol anata kaontri. Hemi talem se long only taem we oli jenisim Vanuatu Forein polisi hemi taem we Mr Kilman i bin Praem minista. Mr Salwai i talem se long taem blong  reign blong Kilman, hemi divilopem klos ties wetem indonesia. Praem Minista hemi labeletem komen blong we Mr Kilman i mekem ova long stetmen blong hem long las wik long fron blong  Unaeted Nasen Generol asembly we i regardem issu blong Wes Papua long media olsem compain mani. hemi talem se komen blong Mr kilman hemi very confusing from hemi no talem klialy se wanem kavman nao i unfair long forein polisi blong hem. Mr Salwai i talem se nasonal ordinary session blong parliamen i stap kam kolosap mo Mr kilman i nidim mani blong pem memba blong parlimen. Long taem we Mr Salwai i stap long Niu York, i bin kat wan attempt long motion blong no konfiden be i no ko tru from i no kat i naf sapot long hem. I kat allegasen se Mr Kilman bai i kam niu praem minista. Alegasen blong mosen ia i soem defecsen blong blong 2 MP i ko long opposisen saed. Mr Salwai i talem se kavman, jifs; jioj lida, woman lida, mo pipol we i stap beaen long issu blong West Papua. Hemi talem se pipol kavman mo pipol blong Vanuatu bai oli no save sarem ae long  violasen blong  human raet long west papua. Mr Salwai i statem se issu blong idipenden blong west Papua bai i no separate from violasen blong human raet. Hemi talem se violasen blong human raet  i hapen long west papua from oli claimem idipendent. 

    Offcanvas