Long sande namba 27 Okis, komuniti blong Mwebalehan blong ol pipol blong Pentecost we oli stap long Port Vila, oli bin kasem blong nambatu taem visit blong minista blong edukesen mo semtaem MP blong Port Vila constituensi, Jean Pierre Nirua blong hemi save handem MP alokesen blong hem igo long presiden blong komuniti, Joseph Molkis. Mani ia bae komuniti, hemi iusim blong helpem buildim wan niu stori building blong komuniti senta blong Mwebalehan long Namburu. Totol mani we Mr Nirua, hemi givim long Mr Molkis, hemi 150 000 vatu. Mr Molkis i talem tankiu long MP blong Port Vila blong hemi save luk save nid blong komuniti. Hemi explenem long minista se niu building ia, bae ikat ol difren rum andanit blong givim igo long tsif mo ol mama blong oli save mekem bisnis blong olgeta long hem. Bae ikat wan rum blong ol oganaesesen i save holem miting insaed. Antap, bae hemi wan kinda garden skul. Mr Molkis, hemi explenem se kinda garden ia, bae ino blong ol pikinini blong Pentecost we bae oli go long hem be bae hemi karem ol pikinini blong ol difren aelan we oli stap long Namburu. Presiden blong Mwebalehan, hemi explenem long Mr Nirua se ting ting blong buildim wan kindi hemi blong ol difren lida blong ol aelan we oli stap long Namburu, oli save titsim ol kastom fasin blong olgeta igo long ol pikinini. Mr Molkis i talem se plande pikinini we oli bon long Port Vila oli no save abaut kastom, kaltsa mo tredisen blong olgeta be hemi no rong blong olgeta be from we yumi no givim wan ples we oli save lanem long hem. Mr Nirua i talem mani ia, hemi smol be hemi glad blong hemi save helpem komuniti long hem. Hemi presem Mwebalehan komuniti long projek blong hem blong hemi save kontribiut long developmen blong edukesen blong ol pikinini long Port Vila. Mr Nirua, hemi tekem janis ia tu blong talem se long nekis yia, bae gavman, hemi givim fri akses blong edukesen ol pikinini blong kinda mo yia 7 kasem yia 10. Fri akses ia, ol pikinini blong yia 1 kasem yia 7, oli benefit long hem finis mo praem minista blong tede, Charlot Salwai, hem nao, hemi bin statem blong implimentem polisi ia taem we hemi bin minista blong edukesen.
    Niu building blong Mwebalehan komuniti ia, taem we hemi finis bae hemi wan fes komuniti haus we hemi permanen mo hemi stori building.
    Mani blong buildim haus ia, hemi kam nomo long kontribusen blong ol famili blong Mwebalehan mo ol memba nomo, oli buildim. Komuniti, hemi help long evri sarere.

     

    Hemia i tok tok blong minista blong pablik utiliti, Jotham Napat long taem blong opening niu wof blong Luganville:
     
    Infomesen bihain

     1.      Wof ia hemi pat blong gavman blong Vanuatu folem Globol Strateji plan blong promotem mo blong enkarejem ekonomik divelopmen long ol eria aotsaet Port Vila. Long yia 2011, long taim blong divelopmen blong Nasonal infrastrakja Stratejik Invesmen Plan (VISIP), hem I stap olsem wan praioriti nid blong impruvmen blong wan intanasonal pot fasiliti long Luganville. Anda long ministri we mi mi lukaotem, koporet plan blong MIPU 2011-2013 long shiping sekta, I kat ol objektiv we hemi (i) apkredem mo riperem/mentenem pot navikesenol sistems long Port Vila mo Santo, mo (ii) impruvum pot infrastrakja mo fasilitis, we hem I inkludum rehabilitesen blong domestic fasiliti blong samansin wof. Hemia hemi kam anda long VIISP.

    Historikol infomesen blong Luganville Wof

    2.      Olfala Intanasonal wof ya oli bildim long WWII mo oli extendem long 1985. Wetem condisen blong wof ya long yia 2011, ol bigfala kako sip (38 long yia 2011) mo ol krus sip (6 long yia 2011) I kam blong saed long intanasonal wof ya. However, olfala seksen blong wof ya I stap long wan nogud kondisen we I lukim sam long ol wall oli foldaon. Wol blong newfala seksen hem I luk gud be ol bollards we bambae I holem ol bigfala sip (bigfala krus sip) I no inaf. Wan long ol longfala sip we hem I 290m long I stap kam tu long wof ya, be plante long ol sip ya oli kasem 240m nomo. Eria blong karem ol sip we hemi 240m long I no inaf.

    3.      Niufala extensen we oli bildim long 1991, Asien Divelopmen Bank nao hemi fandem. Wan long ol men isiu blong olfala wof ya hemi; ino kat kontrol long ol flo blong kako, sefti mo sikuriti, mo I nogat gudfala mentenens I mekem se wof ya hem i godaon bigwan mo I lukim sam strakja oli nogud, men wan nao hemi westen saed blong wof.

    4.      Luganville wof hem I wan long ol men wof we I handelem maket blong kopra long Vanuatu wetem abaot 75% blong kopra we oli bin expotem. Luganville wof hemi olsem wan long ol men ples blong transit we ol sip oli usum bifo oli go aot long ol aelan long north blong Vanuatu.

    5.      Luganville hem I wan impoten mo men ples blong turis long north blong Vanuatu. Impruvum wof ya, bambae hem I inkrisim bigwan turisim long Santo we yumi save lukim se I kat bigfala potensol.

    6.      Nid blong impruvum Luganville wof hem I bigwan we naoia I save tekem tugeta intanasonal mo ol local sip. Long saed blong olfala wof ya, sam strakjarol pat blong wof ya hem I nogud finis long taem blong etkwek mo I lukim sam strakja i brokbrok. Sapos yumi no lukluk blong reperem, bambae hem I  mekem bigfala damej mo kosem sam risk long ol sip mo ol pasenja.

    7.      Blong ademap, ol bigfala sip oli nidim big amaon blong spes blong save delivarem seves long ol man we oli stap usum wof ya.

    8.      Long namba 24 Disemba long yia 2013, Gavman tru long Ministri blong Infrastrakja mo Pablik Utilitis mo Shanghai Konstraksen Krup I saenem wan MOU blong mekem wan fisibiliti stadi blong Luganville Wof.

    9.      Long 24 Disemba yia 2014, Gavman tru long Ministri blong Infrastrakja mo Pablik Utilitis mo Shanghai Konstraksen Krup I saenem wan Kontrak. Lo 28 Julae yia 2015, konstraksen blong bildim mo reperem Luganville Wof hemi stat. Wof ya hem I tekem ova 2 yia blong finisim. Hem I impoten blong save se kontrak ya hem I blong 3 yia. Long bihaf blong emploia, mi wantem konkrajuletem Mr. Huang mo tim blong hem blong save finism projek ya bifo stret taem we I bin stap long kontrak (3 yia). (Bigfala clap)

    Konstraksen ovaviu

     

    1.      Niufala wof ya hemi save karem 2 DWT Freitas long semak taem or 1 GT bigfala sip. Insaed mo aotsaed blong wof I save mekem 15% anuel inkris. Bambae hem I provaedem tu sef, fasta mo gudfala sevis long intanasonal mo inta aelan marin indastri wetem turisim long Vanuatu.

    2.      Chinese gavman tru long wan konsesonal loan I mekem I posibol blong save impruvum mo extendem Luganville Men Wof we I bin stat long 28 Julae yia 2015, we Shanghai Konstraksen Krup nao I konstraktem long wan cost blong kolosap 500 Milien Yuan, we hemi olsem 9 Bilien Vatu.

    3.      Wetem niufala 360m Wof ya, bambae hem I save tekem 30,000 ded-weit tonnage kako sip or 100,000 GT krus sip.

    4.      Ol men wok blong konstraktem wof we I kat extensen blong 76m iko lo east mo wan 152m rekonstraksen iko lo west, hem I finis folem hadwok mo rilesensip wetem ol locol we Shanghai Konstraksen Krup I bin mekem. Men strakja blong easten wof i finis long Februari long 2016 mo westen wof I finis long Eprel 2016.

    5.      Long taem blong konstraksen, Shanghai Konstraksen Krup I fesem mo ovakamem plante jalens long saed blong kwantiti blong ol material, ol nomol operesen blong wof mo ol narafala samting we i stap happen, be long end blong wok, kampani hem I save finisim projek ya 6 manis bifo stret taem blong wok I finis.

    6.      Mo long 50 man Vanuatu oli bin wok long konstraksen blong wof ya afta long sam gudfala trening we oli bin lanem mo oli glad tumas blong wok wetem kampani ya. Bakeken, mi wantem talem tankiu blong mi I ko long Shanghai Konstraksen Krup blong save karem ol lokol man blong wok.

     

    Konklusen rimaks

    Santo hemi olsem bigfala aelan long Vanuatu we gavman hemi luksave nid blong inkris blong akrikalja mo aktiviti blong turisim long fiuja. Pot blong Luganville hemi wan impoten pot long north blong Vanuatu we hem I save bildimap divelopmen.

    Lonjing blong historikol mo momentos Luganville Wof ya hem I wan kona ston long stratejik divelopmen fremwok from Luganville Wof bambae hem I kam olsem wan holmak blong ekonomik divelopmen blong yumi. Bambae hem I inkrisim tred mo ekonomik entapraes mo openem rod blong turisim indastri blong givim growth mo impruvum living blong ol pipol.

    Tete hem I makem wan step bakeken blong Gavman tru long infrastrakja blong helpem growth, helpem prokres mo promotem prosperiti long  Luganville, Sanma, mo ol narafala provins long North.

    Ol pipol blong Luganville, Sanma, mo ol narafala northen provinses, oli disevem sapot blong Sentrol Gavman blong adresem ol nid blong ol pipol. Gavman hem I givim wetem gladhat, konstraksen blong niufala fasiliti blong mekem sua se ekonomik divelopmen blong Vanuatu hem I strong oltaem. Hem I no wan doubt se wan bigfala invesmen olsem wetem wan amaon blong ova 9 Billion VT yumi spendem be yumi biliv se hemi wan mani we yumi usum blong divelopmen. Luganville hemi disevem.

    Mi wantem aknolejem wetem gratitude Bigman, Mr. Liu Quan mo Gavman blong pipol blong ribablik blong China blong save helpem mo fandem kantri ya wetem projek ya.

    Mi wantem tu blong givim sapot blong mi olsem Minista blong Infraskja iko long ol pipol blong Luganville se ministri ya we mi risponsibol long hem bambae hem I kontiniu blong wok wetem yu blong mekem se ol fasiliti ya I wok gud oltaem. Antap long hemia, bambae mi, mi wok kolosap wetem Provinsol Gavman mo LMC long eni fiuja plans we oli kat tuwods impruvmen blong infrastrakja long Luganville. Mi andastanem se I kat wan fisibiliti stadi we ADB I bin karemaot blong impruvum urban planing blong Luganville. Hem I gud tumas blong harem mo mi luk fowod blong givim sapot blong mi long eni eria blong infrastrakja we yufala I wantem.

    Blong finisim spij blong mi, mi wantem tekem opotuniti ya blong talem tankio long yufala we I save stap tete, Hon. PM, Contractor, Hon. Pres. Sanma, ol jifs, ol lan-onas, ol locol komiuniti mo everi stekholdas long ol sapot mo help blong yufala we yufala I givim blong mekem se projek ya I kam wan sakses.

    Iko long ol pipol blong Luganville, hemia hemi wof blong yufala. Hemi tekem plante risoses, taem mo efot blong ol diferen fil blong expetis blong save mekem kasem stej we yumi stap long hem naoia. Plis lukaotem gud mo usum gud folem pepes blong hem. Wetem evri komen ya, Gudlak mo best wishes long niufala wof ya.

    Tank yu tumas long atensen blong  yufala. 

     

    Gavman blong People’s Republic of China bambae hemi mekem handing ova blong niufala bilding blong Ofis blong Praem Minista long 1st Septemba.

     

    Niufala Ofis blong Praem Minista ia hemi wan long olgeta projek we Gavman blong China nao hemi fandem. Yia ia hemi makem wan impoten step bageken long releisensip blong tufala kantri ia Vanuatu mo China wetem opening blong Chinese Embasi long Port Vila, niufala wof long Luganville, niufala Ofis blong Praem Minista mo Korman Stedium. Bambae Gavman blong China hemi bilidim tu wan niu bilding blong foren afea. Gavman blong China hemi fandem tu olgeta niufala bilding blong Malapoa College we oli stap bildim naoia. 

    Ofis blong praem minista i talem se hemi diuti blong oposisen tu blong hemi dil wetem ol problem we istap hapen long Port Vila konstituensi. Hemi tru se ol pipol we oli liv long Port Vila, oli stap anda long proteksen blong gavman, ol chief, ol lida blong jioj mo ol lida blong ol woman mo oli kat raet blong enjoem laef long taon ia.
    Ofis blong praem minista, hemi kamaut nomo blong talem se be oposisen, hemi mekem wan wanem. Taem we yu elekted olsem wan memba blong palaman, oli bikam MP blong Port Vila konstituensi. Taem we oli adresem ol MP insaed long palaman, spika i talem se MP blong konstituesi ia. Spika ino talem se MP blong UMP. No hemi talem MP blong Port Vila. As elected MP blong Port Vila, lida blong oposisen, hemi kat wok blong hem tu blong impruvum sekuriti mo titsim ol yang pipol mo ol famili we oli kastem vot blong olgeta long hem long taem blong las eleksen. Ino long taem blong eleksen nomo, bae yumi go askem olgeta blong vot long yumi ale yumi go stap mekem bigmaut long media mo sosol media about kraem we hemi stap hapen long Port Vila. Oposisen, hemi blemem gavman, ol chief, ol jioj mo ol woman lida be hemi mekem wanem?
    Ofis blong praem minista, hemi wandem mekem save long ol pipol blong Vanuatu se gavman blong tede, hemi biliv strong se daonem kraem, bae yumi no save stopem blong mekem polis i arestem ol saspek. Gavman blong tede, hemi bilivim strong se gudfala way blong stopem ol kraem mo protektem valiu blong ol famili olsem oposisen istap rifea long hem, hemi blong givim edukesen long evri pikinini blong Vanuatu.
    Gavman blong tede, hemi no wandem luk yumi buildim moa koreksenol senta long Vanuatu tastawe, hemi kamap wetem polisi blong fri akseses blong edukesen blong evri pikinini blong Vanuatu, bae oli benefit long hem. Tede ol kinda garden, oli stap yet olsem wan blokeij blong fri access we hemi stap finis stat yia1 kasem yia2. Polisi blong fri akses blong edukesen we bae hemi stat long nekis yia, bae hemi stat long kinda garden skul mo hemi finis long yia 10. Gavman blong tede, hemi bilivim strong se taem we wan pikinini, hemi kasem yia 10, hemi sapos blong save finis abaut valiu blong hem respek mo hemi save mekem difrens bitwin rong mo raet. Tede taem we wan pikinini ino save intarem kinda garden mo yia 7 igo antap, pikinini ia, hemi smol tumas blong hemi save kasem valiu blong respek unless hemi karem gudfala titsing insaed long haus long papa mo mama blong hem.
    Long saed blong famili valiu, ofis blong praem minista i askem se ofis blong oposisen blong karem toti long aea blong hem festaem bifo hemi save tokbaut gavman, ol chief, ol jioj mo ol woman lida.

    Office blong praem minista i talem se gavman blong tede, hemi no responsibol long deterioration blong haus blong praem minista we istap long John Court.
    Office blong praem  minista, hemi wandem letem save se hemi mekem plande yia finis bifo gavman blong praem minista Charlot Salwai ikam long pawa we haus ia hemi bin stap long wan no gud kondisen. Sam man i bin brekem tufala geit mo go insaed mo stilim ol samting insaed. Oli bin brekem ol luva mo kat akses long ol rum insaed. Ikat bigfala bush tu i bin gru long yat blong residens blong praem minista long John Court.
    Ofis blong praem minista i talem se risen blong putum tufala staff blong PM igo lukautem slip long haus, hemi blong lukautem gud haus ia blong mekem se pablik inomo iusim olsem wan ples blong mekem "rendez-vous" blong olgeta.  Long saed blong alegesen blong oposisen se ol samting i lus insaed long haus, ofis blong praem minista, hemi wandem mekem save se plande long olgeta samting insaed, oli bin lus finis long haus bifo PM ofis i putum 2 staff blong hem igo long haus ia. Tufala staff ia tu, tufala i kontribiut blong katem grass blong mekem se ikat saen se hemi wan residensiol eria blong praem minista blong Ripablik blong Vanuatu komperem long yia we hemi pas.
    Ofis blong praem minista i wandem mekem save se ripot blong ol ting se i lus long ofis ia, hemi stap long hand blong polis i investigetem sins long las yia ia.
    Long saed blong ol pipol we oli bin stap yusum eria olsem wan ples blong rendez-vous, taem yumi putum tufala staff ia, hemi putum end blong pablik igo stap mekem naet lafet long yat ia.
    Long saed blong ol alegesen se we ofis blong oposisen, hemi mekem agensem tufala staff ia, ofis blong praem minista ino kasem komplen o ripot long hem mo hemi wandem talem long  ofis blong oposisen se sapos, hemi kasem ripot o komplen, bae hemi dil wetem. Ofis blong praem minista i kasem ripot se steitmen we opposition hemi mekem hemi folem ripot blong wan foma staff blong PM ofis we hemi tu, hemi bin stap fos blong hemi go slip long haus ia be hemi no bin kat janis.

    Praem Minista Charlot Salwai, hemi givim wan tradisinol sospen blong Wusi vilej blong West Coast Santo long ambasada blong China long Vanuatu, Liu Quan blong makem opening blong niu wof blong Vanuatu long Luganville long aelan blong Santo long satede 19 okis.
    Hemia i olsem wan presen we Mr Salwai i givim Mr Liu Quan from kontribusen blong gavman mo pipol blong People's Republic of China long developmen blong ol infrastraktsa olsem rod mo wof long Vanuatu.
    Wan kampani blong China, Shanghai Contruction, hem nao, hemi buildim niu wof blong Luganville mo mani blong hem, hemi wan loan we gavman blong Vanuatu, hemi mekem tru long wan bank blong China. Tradisinol sospen ia, oli no mekem olbaut long Vanuatu be pipol blong Wusi nomo, oli save mekem. Wusi vilej, hemi wan long olgeta vilej blong Vanuatu we istap longwe long ol main senta blong Vanuatu be hemi wan vilej we oli save gud long hem from tradisinol sospen blong hem. Tradisinol sospen ia, oli mekem wetem graon mo oli mekem long ol difren saes mo difren form. Oli iusim tu blong kukum kakae long hem. Tradisinol save blong pipol blong Wusi ia, oli bin stap soem long ol art festival blong Vanuatu. Long wan art festival we oli mekem long palaman blong Vanuatu, olgeta ikam soem olsem wanem blong kuk long hem. Ol pipol we oli bin testem ol kakae we oli kukum long tradisinol sospen ia, oli talem se test blong kakae, hemi gud bitim sospen blong waet man.

    Praem minista Charlot Salwai, hemi perfomem wan kastom seremoni igo long ol tsif mo pipol blong Sanma blong oli save givim graon blong olgeta blong bigfala wof istap stap long hem.
    Mr Salwai i mekem kastom ia igo long kansel blong ol tsif blong Sanma provins, Supenatavutano long satede 19 Okis bifo hem, ol minista mo sinia gavman ofisiol oli save go insaed long yat we niu big wof blong Luganville istap long hem.
    Praem minista i talem tankiu blong oli save givim graon ia blong projek i save kirap long hem blong benefitim pipol blong Vanuatu mo spesiali ol pipol blong noten provins blong Vanuatu.
    Ikat 4 provins blong Not, Torba, Sanma, Penama mo Malampa  we oli sheaholda blong manejem Lunganville

    Mi gat bigfala hona blong save joen wetem yufala long aftenun ia long kratueisen seremoni blong Bajela dikri longEkonomik mo Sosol Administreisen (Licence Administration Economique et Social)we Université blong Toulouse 1 Capitole nao bae hemi awodem. Wan kratueisen seremoni hemi wan impoten taem blong olgeta student we oli bin wokhad blong save karem dikri blong olgeta. Hemia hemi wan impoten taem tu blong Ministri blong Edukeisen mo Trening we hemi bin witnesem fes ajivmen blong projek blong hem blong developem wan baelinguol univesiti program long Vanuatu.

    Olsem olgeta seken intek blong ESA dikri program, yufala I no stap nomo olsem olgeta student we bae yufala I risivim wan dikri be yufala I stap tu olsem olgeta tru paonia??? Mo ambaseda blong bigfala projek ia we stampa tingting behaen long hem i blong gat wan baelinguol univesiti edukeisen we Gavman blong Vanuatu tete nao hemi lukluk long hem taem we hemi kam long paoa.

    Mi wantem talem tangkiu long Université de Toulouse 1 Capitole tru long Fakalti blong Administreisen mo Komunikeisen blong hem we i save akri long rikwes blong yumi mo givhan blong sitemap dikri program ia since 2013. Mi stap talem talem tangkiu tu long Dean blong Université Toulouse 1 Capitole Mr Francis Querol we hemi stap wetem yumi tete. Olgeta tim blong ol tija mo administresen staf blong Toulouse 1 Capitole oli bin wokhad long pas fo yia blong mekem se yufala I save stap tete blong karem dikri blong yufala we hemi stap long tufala lanwis ia Franis mo Inglis long Vanuatu nomo. Mi stap wantem talem tangkiu tu long French Embassy mo Gavman blong New Caledonia we tru long faenansol mo teknikol sapot blong tufala nao dikri projek ia hemi save stap tete. Mi save se releisenip ia be hemi gohed blong divelop long fuja; hemia anda long konstraksen blong olgeta infrastrakja projek we Gavman blong New Caledonia nao bae hemi fandem long wan amaon blong 700,000€. Manie ia bae hemi lukluk long evri student blong AUF long 2019 mo hemi stap tu long rejinol copereisen. 

    Port vila, 28 julae 2017, Project managemen unit long Vanuatu (VMU) i confirmem everi preparation work long investment project blong Vanuatu aviation ( VAIP),wei World Bank i fundem wei i stap ko gud, bai oli work i stat off long end blong nekis manis. Since long saening blong kontract ai long manis mai 2017, ol contractor oli ricivim tri manis period blong mobilisation. During long taem ia, oli expectem wan base, oli mobilaesem ol equipment mo ol machine, oli recurtum mo haerem some staff mo some main man mo carry out ol important consultation wetem ol sarrounding airport community be bai community i impact long project ia. Wan long part blong work preparatroy oli progress bigwan, mo start long wik ia, ol community consultasen wei bai i tekem place long Rangorango et switi mo tu tufala skul blong blancksand mo prima. Some long ol wok ia bai oli mekem afta long wik blong independent mo progressively during long nine manis ia. Carrently, mobilisation blong ol specific olsem asphalt concrete (AC) plant mo paver blong ol contractor, oli kat tu wik blong kam long end. Daerecta blong project investmen blong Vanuatu Aviation, Harrisson Toar Luenn hemi expresem optimiste s work i should stat long schedule, wetem every preparatory wok long bauerfield mo Pekoa we i bin appen same taem " Olsem we i indicated long bidding precess, contractor hemi contract boung long source from every agregats long fiji. I gat insufficient quantity i requiring blong unless long different ples" Toar i talem, who ia we bar i tekem role blong engineer kavman i bin forced blong kam unique source blong wan supervising engineer, rison blong actuel boom long ol activity blong construction long region ia, i presentem final jalense mo saenem wan contract blong supervising soon, since long sacking blong consultant blong korea, Yooshin Engineering Cooperation long May. Wan annoucement i expected bifo stating work blong reabilisasen ofis blong Vanuatu Project Managment unit Port Vila mall bilding Paris Street P.O.Box 192 Port Vila Vanuatu Tel: (678) 26415 / 33240 Fax ( 678) 26419 Email: This email address is being protected from spambots. You need JavaScript enabled to view it. Unité de Gestion du projet du Vanuatu, Batiment Port Vila Mall Rue de Paris Bp 192 Port Vila Vanuatu Tel: (678) 26415/33240 Fax ( 678) 26419 Email: This email address is being protected from spambots. You need JavaScript enabled to view it.. "mifala i mindful long interest blong fulap long tourism blong yumi mo operator blong airline mo stakeholda we i kat long project ia. Yumi no save understandem angst we some pipol oli kat. Yumi wish blong assurum se yumi stap long wan gud way mo yumi mekem every someting blong kipim going momentum",  Mr Toa i talem. Airport Vanuatu limited i continue blong work clesely wetem airline blong kipim olgeta abreast long developmen wael maintenance ensuring required bai i carrem out delay.

     

    Wan long olgeta main poen blong tok tok blong praem minista Charlot Salwai long 37 indipendens aniverseri, hemi blong banem plastik blong Vanuatu ino impotem ikam long kantri. Ol smol aksen olsem 2 frut nakatabol mo wan grin kokonas blong go wetem long solwota, hemi save helpem bigwan tok tok blong Mr Salwai blong kipim envaeromen blong Vanuatu istap helti oltaem be hemi no kam wan plastik kantri.
    Bae hemi tekem taem blong pipol blong Vanuatu oli kam blong luk save se kokonas mo ol nara lokol frut blong yumi, oli save kontribiut bigwan blong kipim envaeromen blong bits, solwota mo rif blong Vanuatu istap helti oltaem.
    Tede fulap pipol, taem we oli go long solwota, oli ting ting blong resis igo long wan sto blong karem plastik jus o tin coca cola blong go wetem blongt swim long solwota o riva. Plane taem, taem oli finis swim, oli lego ol plastik mo ol tin long san bits o sakem long solwota be oli no save o oli save nomo se hemi no gud blong envaeromen be oli mekem. Plande pipol, oli tekem yet se riva mo solwota, hemi ol ples blong sakem ol toti long hem be oli no save se ol plastik hemi posenem ol rif mo fis. Wan frut kokonas mo 2 frut nakatabol, ino save kosem problem long rif mo posenem ol fis.
    Long sande namba 13 Okis, Gavman Website, hemi bin fainem long san bits blong Mele 2 frut nakatabol mo wan frut kokonas we wan man o wan famili, hemi bin lego istap afta we oli finis swim. About 100 mita, ikat wan wan nara wan man o wan famili we i lego ol plastik chicken win istap mo go bak long haus. Man, woman o famili we hemi lego 2 frut nakatabol mo wan frut kokonas maet hemi no rialaesem be hemi wan bigfala lesen blong sapos, ol famili igo swim long riva o solwota, oli sapos blong mekem semak blong go wetem ol lokol kakae mo frut from oli save spolem envaeromen blong san bits mo solwota.Hemi wan smol fasin be bigfala toktok o meseij istap insaed.
    Mele bits, hemi wan long olgeta bits blong Efate we istap fulap gud long sarere mo sande iven long taem blong ol pablik holide. Plande afta long ol swim ia o piknik, ikat plande plastik istap flot long solwota o man i save fainem long san bits. Plande pipol, oli tekem habit yet blong berem ol toti blong olgeta long san bits be oli no save se wan de bae solwota i save dikimaut toti ia.
    Blong priservem envaeromen blong ol san bits blong Vanuatu mo sapotem Praem Minista Salwai blong banem plastik, Gavman Website, hemi apil strong long ol pipol blong Vanuatu, blong oli nomo go wetem ol plastik, botel o tin long solwota. Hemi inkarejem ol pipol blong Vanuatu blong go wetem ol lokol dring mo kakae blong Vanuatu. Hemi helti long solwota, rif, fis mo helti tu long laif blong man mo woman.
     

    Offcanvas